Mumford & Sons

Mumford & Sons — ინგლისური ფოლკ-როკ ჯგუფი, რომელიც ლონდონში 2007 წელს ჩამოყალიბდა.^[1] ჯგუფის წევრები არიან: მარკუს მამფორდი (წამყვანი ვოკალი, ელექტრო გიტარა, აკუსტიკური გიტარა, დრამი), ბენ ლოვეტი (ვოკალი, კლავიში, ფორტეპიანო) და ტედ დუანი (ვოკალი, ბას გიტარა, კონტრაბასი). ბანჯოისტმა უინსტონ მარშალმა ჯგუფი 2021 წელს დატოვა.

Mumford & Sons
Mumford & Sons 2015 წელს
ბიოგრაფია
წარმოშობა	ლონდონი, გაერთიანებული სამეფო
ჟანრ(ებ)ი	ფოლკ-როკი ალტერნატიული როკი ბლუგრასი ინდი-ფოლკი
აქტიური	2007-დღემდე
ლეიბლ(ებ)ი	Island Glassnote Dew Process
წევრები	მარკუს მამფორდი ბენ ლოვეტი ტედ დუანი
ყოფილი წევრები	უინსტონ მარშალი
საიტი	mumfordandsons.com
Mumford & Sons ვიკისაწყობში

Mumford & Sons-ს გამოშვებული აქვს ოთხი სტუდიური ალბომი: Sigh No More (2009), Babel (2012), Wilder Mind (2015) და Delta (2018). მათმა სადებიუტო ალბომმა „Sigh No More“ დიდ ბრიტანეთის ჩარტების მეორე პოზიციას მიაღწია, აშშ-ში კი Billboard 200-ში მოხვდა, ხოლო „Babel “და „Wilder Mind“-მა გამოსვლისთანავე პირველი ადგილი დაიკავეს დიდ ბრიტანეთსა და აშშ-ში, პირველი მათგანი კი ათწლეულის ყველაზე სწრაფად გაყიდვადი როკ ალბომი გახდა. ^{[2] [3]} ჯგუფს, ასევე, გამოცემული აქვს სამი ლაივ-ალბომი: Live at Shepherd's Bush Empire (2011), The Road to Red Rocks (2012) და Live from South Africa: Dust and Thunder (2017).

ჯგუფმა თავისი არსებობის განმავლობაში მოიგო არაერთი მუსიკალური ჯილდო. ალბომმა Sigh No More-მა ჯგუფს მოუტანა Brit Award 2011 წელს საუკეთესო ბრიტანული ალბომისთვის, Mercury Prize-ის ნომინაცია და გრემის ექვსი ნომინაცია. 2011 წელს გრემის დაჯილდოებაზე ბობ დილანსა და The Avett Brothers-თან ერთად ცოცხალმა შესრულებამ ჯგუფს პოპულარობა მოუტანა აშშ-ში. ჯგუფმა ალბომ Babel-ით მიიღო გრემის რვა ნომინაცია და მოიგო გრემი წლის საუკეთესო ალბომისთვის. ჯგუფმა 2013 წელს, ასევე, მოიგო Brit Award საუკეთესო ბრიტანული ჯგუფისთვის და აივორ ნოველოს ჯილდო საერთაშორისო მიღწევებისთვის 2014 წელს.

დისკოგრაფია

• Sigh No More (2009)
• Babel (2012)
• Wilder Mind (2015)
• Delta (2018)

ჯილდოები და ნომინაციები

Mumford & Sons-ს მიღებული აქვს შემდეგი პრიზები:

• ARIA Music Awards 2010 — ყველაზე პოპულარული საერთაშორისო შემსრულებელი
• Q Awards 2010 — საუკეთესო ახალი შესრულება
• დიდი ბრიტანეთის ფესტივალის ჯილდოები 2010 — გამორჩეული შემსრულებელი
• Americana Music Honors & Awards 2011 — წლის განვითარებადი შემსრულებელი
• Billboard Music Award 2011 — საუკეთესო როკ ალბომი (Sigh No More -ისთვის)
• Billboard Music Award 2011 — საუკეთესო ალტერნატიული ალბომი (Sigh No More -ისთვის)
• Billboard Music Award 2011 — საუკეთესო ალტერნატიული შემსრულებელი
• Brit Awards 2011 — წლის ბრიტანული ალბომი (Sigh No More -ისთვის)
• Billboard Music Awards 2013 — ტოპ-როკ ალბომი ( Babel- ისთვის)
• Brit Awards 2013 — წლის ბრიტანული ჯგუფი
• Echo Music Prize 2013 — საერთაშორისო როკ / პოპ ჯგუფი
• გრემის ჯილდო 2013 — წლის ალბომი ( Babel- ისთვის)
• გრემის ჯილდო 2013 — საუკეთესო მუსიკალური ფილმი ( Big Easy Express-ისთვის)
• Juno Award 2013 — წლის საერთაშორისო ალბომი
• აივორ ნოველოს ჯილდო 2014 — საერთაშორისო მიღწევები
• UK Americana Awards 2018 — ნოვატორის ჯილდო

რესურსები ინტერნეტში

• ოფიციალური საიტი
• Mumford & Sons კინოფილმების ინტერნეტ-მონაცემთა ბაზაში

სქოლიო

 

1. Mumford and Sons.
2. New Mumford & Sons album Babel is fastest seller of 2012 in UK and US. the Guardian (3 October 2012). ციტირების თარიღი: 28 September 2014
3. Mumford & Sons' 'Babel' Scores Biggest Debut of Year, Bows at No. 1 on Billboard 200 Chart. Billboard (3 October 2012). ციტირების თარიღი: 28 September 2014