![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a5/M1_Garand_rifle_USA_noBg.jpg/640px-M1_Garand_rifle_USA_noBg.jpg&w=640&q=50)
M1 Garand
From Wikipedia, the free encyclopedia
M1 Garand — M1 გარანდი ან M1 შაშხანა — .30-06 კალიბრის (7.62×63მმ) ნახევრადავტომატური შაშხანა, რომელიც იყო აშშ-ის შეიარაღებული ძალების ძირითადი საბრძოლო შაშხანა მეორე მსოფლიო ომისა და კორეის ომის დროს. მცირე რაოდენობით ის ასევე გამოიყენებოდა ვიეტნამის ომშიც. ასობით ათასი M1 შაშხანა ასევე გაიგზავნა აშშ-ის მოკავშირე ქვეყნებში, როგორც სამხედრო დახმარება. M1 Garand დღემდე გამოიყენება აშშ-ის შეიარაღებული ძალების საპატიო ყარაულის მიერ, სანადირო მიზნებისთვის სამოქალაქო პირთა შორის და კოლექციონერების მიერ.
M1 Garand | |
---|---|
![]() | |
ტიპი | ნახევრადავტომატური შაშხანა |
წარმომავლობის ქვეყანა |
![]() |
სამსახურის ისტორია | |
შეიარაღებაშია |
1936–1958 ![]() 1940-იანებიდან-დღემდე (სხვა ქვეყნებში) |
წარმოების ისტორია | |
კონსტრუქტორი | ჯონ გარანდი |
შექმნის თარიღი | 1928 |
წარმოების პერიოდი | 1934—1957 |
მახასიათებლები | |
წონა | 4.31-5.3 |
სიგრძე | 1,100 |
ლულის სიგრძე | 609.6 მმ |
| |
ვაზნა |
7.62×63 მმ სპრინგფილდი 7.62×51 მმ ნატო |
მუშაობის პრინციპი | გაზზე მომუშავე, მბრუნავი ჭანჭიკი |
სროლის ტემპი | 40–50 ვაზნა/წთ |
ჭურვის/ტყვიის საწყისი სიჩქარე | 853 მ/წმ |
დამიზნების მანძილი | 457 მ |
დატენვის სისტემა | 8 ვაზნიანი სავაზნე მჭერი, შიდა მჭიდი |
სამიზნეები | რკინის სამიზნე |
![Thumb image](http://upload.wikimedia.org/wikipedia/commons/thumb/4/40/Infantryman_in_1942_with_M1_Garand%2C_Fort_Knox%2C_KY.jpg/640px-Infantryman_in_1942_with_M1_Garand%2C_Fort_Knox%2C_KY.jpg)
M1 Garand-ს სახელი დაერქვა მისი კანადელ-ამერიკელი გამომგონებლის ჯონ გარანდის პატივსაცემად. ეს შაშხანა იყო პირველი ნახევრადავტომატური იარაღი აშშ-ის ჯარისთვის. უმეტესი სამხედრო მოხსენებების მიხედვით M1 Garand იყო საიმედო და მოწონება დაიმსახურა ამერიკელი სამხედროების მხრიდან. გენერალმა ჯორჯ ს. პატონმა მას უწოდა „უდიდესი საბრძოლო მოწყობილობა, რომელიც ოდესმე გამოუგონიათ“. 1936 წელს M1 Garand-მა ჩაანაცვლა გრძივმოძრავ საკეტიანი ხელით გადასატენი M1903 Springfield შაშხანა, როგორც აშშ-ის არმიის სტანდარტული იარაღი, ხოლო თავად ის 1958 წელს ჩანაცვლდა M14 შაშხანით.