![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/97/Junichiro_Tanizaki_02.jpg/640px-Junichiro_Tanizaki_02.jpg&w=640&q=50)
ჯუნიჩირო ტანიძაკი
From Wikipedia, the free encyclopedia
ჯუნიჩირო ტანიძაკი (იაპონ. 谷崎 潤一郎, Tanizaki Jun'ichirō) 一 მეოცე საუკუნეში მოღვაწე ერთ-ერთი ყველაზე გამორჩეული იაპონელი მწერალი, ესეისტი, პუბლიცისტი და დრამატურგი. მისი ლიტერატურული ნამუშევრების თემატიკა მონაცვლეობს სექსუალური და ეროტიკული აკვიატებებიდან დაწყებული, ოჯახური ცხოვრების დინამიკის აღწერით დამთავრებული, რომელიც, ძირითადად, XX საუკუნის იაპონურ საზოგადოებაში განვითარებული სწრაფი სოციალური ცვლილებების ფონზე ვლინდება. ხშირად, მის ნაწარმოებთა დიდი ნაწილი კულტურული იდენტობის ჩარჩოებში აღიქმება, რომელშიც ერთმანეთს ეწყმიან დასავლური და იაპონური ფასეულობები. მრავალი კრიტიკოსი მას, ნაცუმე სოსეკის შემდეგ, მეოცე საუკუნის საუკეთესო იაპონელ ნოველისტად მოიაზრებს.[1]
ჯუნიჩირო ტანიძაკი | |
---|---|
谷崎 潤一郎 | |
![]() ტანიძაკი 1951 წელს | |
დაბადების თარიღი | 24 ივლისი, 1886 |
დაბადების ადგილი | ტოკიო |
გარდაცვალების თარიღი | 30 ივლისი, 1965 |
გარდაცვალების ადგილი | კანაგავის პრეფექტურა |
საქმიანობა | მწერალი |
ენა | იაპონური ენა |
ეროვნება | იაპონელი |
მოქალაქეობა |
იაპონია![]() |
ალმა-მატერი | ტოკიოს უნივერსიტეტი |
ჟანრი | ფიქცია, დრამა, ესეები, მუნჯი ფილმის სცენარები. |
Magnum opus | ნაზი თოვა |
ჯილდოები | Mainichi Publication Culture Award, ასაჰის პრემია, კულტურის ორდენი, კულტურის დამსახურებული მოღვაწე და Mainichi art award |
მეუღლე | Matsuko Tanizaki |
შვილ(ებ)ი | 2 |
1964 წელს, მის გარდაცვალებამდე ერთი წლით ადრე, იგი ნომინირებული იყო ნობელის პრემიაზე ლიტერატურის დარგში, სხვა ექვს მწერალთან ერთად.[2][3]