ცეკვა დრაკონებთან
From Wikipedia, the free encyclopedia
ცეკვა დრაკონებთან (ინგლ. A Dance with Dragons) — მეხუთე წიგნი ეპიკური ფენტეზის ჟანრის რომანების სერიაში „ყინულისა და ცეცხლის სიმღერა“, რომლის ავტორია ჯორჯ რეიმონდ რიჩარდ მარტინი. წიგნი გამოიცა 2011 წლის 12 ივლისს. თავდაპირველად, ჯერ კიდევ მაშინ, როდესაც მარტინი სერიის ტრილოგიად გამოშვებას აპირებდა, ცეკვა დრაკონებთან ტრილოგიის დასკვნითი ნაწილის სათაური უნდა ყოფილიყო. ზოგ ქვეყანაში წიგნი ორ ნაწილად გამოიცა, რომლებიც დასათაურებული იყო, როგორც ოცნებები და მტვერი და ნადიმის შემდეგ.
„ცეკვა დრაკონებთან“ | |
---|---|
A Dance with Dragons | |
![]() ამერიკული გამოცემის ყდა | |
ავტორი | ჯორჯ რ. რ. მარტინი |
ილუსტრატორი | ლარი როსტენტი |
ქვეყანა | აშშ |
ენა | ინგლისური |
სერია | ყინულისა და ცეცხლის სიმღერა |
ჟანრი | ფენტეზი |
გამომცემელი | Opus Press |
გამოცემის თარიღი | ივლისი, 2011 |
მედია | ბეჭდვითი (რბილი და მაგარი ყდები) |
გვერდი | 1040 (აშშ მაგარყდიანი) |
წინამორბედი | ნადიმი ყვავებისთვის |
მომდევნო | ზამთრის ქარები |
ISBN | ISBN 0-553-80147-3 (978-0553801477) |
წიგნის თავთა ნაწილი მეოთხე ნაწილისთვის იყო განკუთვნილი, თუმცა მარტინმა ეს უკანასკნელი დაუსრულებელი ნამუშევრის დიდი მოცულობის გამო ორ ნაწილად გაყო პერსონაჟებისა და მოქმედებების ადგილების მიხედვით. შედეგად, სერიის მეოთხე და მეხუთე წიგნებში მოქმედება პარალელურად მიმდინარეობს.[1]
ცეკვა დრაკონებთან იყო მეორე რომანი სერიაში, რომელმაც პირველი პოზიცია დაიკავა The New York Times-ის ბესტსელერთა სიაში.[2] გამოცემიდან რამდენიმე კვირაში, წიგნი პირველ პოზიციაზე აღმოჩნდა Publisher's Weekly-სა და USA Today-ის ბესტსელერთა სიებში. 2012 წელს ის ასევე ნომინირებული იყო ჰიუგოსა[3] და ლოკუსის ჯილდოებზე.[4]