ქამეროფსი

ქამეროფსი (ლათ. Chamaerops) — მცენარეთა გვარი პალმების ოჯახისა. დაბალტანიანი (2—3 მეტრი სიმაღლის), მრავალღეროიანი, ზოგჯერ ერთღეროიანი (6 მ სიმაღლის) პალმებია. მარაოსებრი ფოთლები ღეროს წვერშია თავმოყრილი; გრძელი ყუნწი დაფარულია ბრჭყალისებრი ქაცვებით. ყვავილები მომცროა, შეკრებილია დატოტვილ ყვავილედად. ნაყოფი კენკრაა.

ქამეროფსი
მეცნიერული კლასიფიკაცია
სამეფო:  მცენარეები ოჯახი:  პალმები გვარი:  ქამეროფსი
ლათინური სახელი
Chamaerops
დაცვის სტატუსი
ყველაზე ნაკლები საფრთხის ქვეშ IUCN 3.1 Least Concern : 13164373
სისტემატიკა ვიკისახეობებში სურათები ვიკისაწყობში ITIS   506714 NCBI   54446 EOL   1091059 IPNI   665917-1 TPL   kew-37792

გვარში 2 სახეობაა. (სახესხვაობებით), სხვა მონაცემებით 9 სახეობა. გავრცელებულია დასავლეთ ხმელთაშუაზღვისპირეთში, მათგან ქონდარა პალმა (Chamaerops humilis) ერთადერთი პალმაა ევროპაში. იგი, როგორც დეკორატიული მცენარე კულტივირებულია განსაკუთრებით შავი ზღვის სანაპიროს ბაღ-პარკებში, სადაც ყოველწლიურად ყვავის და ნაყოფმსხმოიარობს. ფოთლის ბოჭკოს იყენებენ თოკების, ტომრებისა და სხვათა დასამზადებლად.

ლიტერატურა

• რატიანი ნ., ქართული საბჭოთა ენციკლოპედია, ტ. 10, თბ., 1986. — გვ. 451.