From Wikipedia, the free encyclopedia
ფილიპო II სავოიელი (იტალ. Filippo II di Savoia; დ. 5 თებერვალი, 1438 — გ. 7 ნოემბერი, 1497) — სავოიელთა დინასტიის წარმომადგენელი. სავოიის ჰერცოგი 1496-1497 წლებში. ჰერცოგ ლუდოვიკოსა და ანა კვიპროსელის ვაჟი. სავოიის ორი ჰერცოგის: ფილიბერტო II-ისა და კარლო III-ის მამა.
ფილიპო II სავოიელი | |
---|---|
სავოიის ჰერცოგი | |
მმართ. დასაწყისი: | 16 აპრილი, 1496 |
მმართ. დასასრული: | 7 ნოემბერი, 1497 |
წინამორბედი: | კარლო II |
მემკვიდრე: | ფილიბერტო II |
პირადი ცხოვრება | |
დაბ. თარიღი: | 5 თებერვალი, 1438 |
გარდ. თარიღი: | 7 ნოემბერი, 1497, (59 წლის) |
მეუღლე: |
მარგარიტა დე ბურბონი (ქ. 1472 - გარდ. 1483) კლაუდინა დე ბროსი (ქ. 1485) |
შვილები: |
ლუიზა, ანგულემის გრაფინია ფილიბერტო II, სავოიის ჰერცოგი კარლო III, სავოიის ჰერცოგი |
დინასტია: | სავოიელები |
მამა: | ლუდოვიკო, სავოიის ჰერცოგი |
დედა: | ანა კვიპროსელი |
რელიგია: | კათოლიციზმი |
ფილიპო დაიბადა 1438 წლის 5 თებერვალს შატო დე შამბრში, თანამედროვე საფრანგეთის ტერიტორიაზე. იგი იყო სავოიის ჰერცოგ ლუდოვიკოსა და მისი ცოლის, პრინცესა ანა კვიპროსელის უმცროსი ვაჟი. დედის მხრიდან მისი პაპა-ბებია კვიპროსის მეფე იანუსი და დედოფალი შარლოტ დე ბურბონი იყვნენ.
ვინაიდან ფილიპოს ჰყავდა უფროსი ძმა, რომელსაც არაერთი ვაჟი ჰყავდა, იგი საერთოდ არ მოიაზრებოდა ტახტის მემკვიდრედ, რის გამოც მას შედარებით უფრო მეტი თავისუფლება ჰქონდა ყველაფერში. თავისივე სურვილით იგი სამხედრო კარიერას გაჰყვა და მოგვიანებით გენერლობამდე ამაღლდა. მის აპანაჟს მხოლოდ ბრეზის პროვინცია წარმოადგენდა, რომელიც სავოიის უკიდურეს ჩრდილოეთში, ბურგუნდიისა და საფრანგეთის საზღვართან მდებარეობდა. ამის გამო ხალხმა მას „უმიწო“ შეარქვა.
1472 წელს მისი უფროსი ძმა, ჰერცოგი ამადეო IX გარდაიცვალა, რის შემდეგაც ტახტს ფილიპოს ძმისწული, ფილიბერტო I იკავებს, რომელიც ათ წელიწადში უშვილოდ აღესრულა. ამ პირობებში ტახტი მისმა ძმამ, კარლო I-მა დაიკავა, რომელიც სულ მალე გარდაიცვალა და მხოლოდ ერთი ჩვილი ვაჟი დარჩა, რომელიც სასწრაფოდ სავოიის ჰერცოგ კარლო II-დ გამოაცხადეს, რეგენტად კი დედამისი, ბიანკა მონფერატელი დაუნიშნეს. კარლო II 1496 წლის 16 აპრილს, 6 წლის ასაკში გარდაიცვალა, რის გამოც ტახტი მამამისის ბიძას, მაშასადამე ფილიპო II-ს ერგო, რომელიც სრულიად მოულოდნელად გახდა სავოიის ახალი ჰერცოგი.
მიუხედავად ყველაფრისა და იმისა, რომ იგი არც ხანში შესული ყოფილა, ფილიპოს მმართველობა სავოიის ისტორიაში ერთ-ერთი ყველაზე ხანმოკლეა. იგი სულ ერთ წელიწადში, 1497 წლის 7 ნოემბერს, 59 წლის ასაკში გარდაიცვალა, რის გამოც ტახტს მისი ვაჟი იკავებს.
1472 წლის 6 აპრილს ფილიპომ ცოლად შეირთო ფრანგი დიდებული მარგარიტა დე ბურბონი (1438-1483), ბურბონის ჰერცოგ შარლ I-ისა და აგნესა ბურგუნდიელის ასული, რომელთანაც შეეძინა სამი შვილი:
დაქვრივების შემდეგ, 1485 წელს ფილიპო მეორედ დაქორწინდა ბრეტონელ დიდგვაროვან კლაუდინა დე ბროსზე (1450-1513), საფრანგეთის მარშალ ჟან II დე ბროსისა და ნიკოლეტ დე შატიიონის ასულზე, რომელთანაც კიდევ ექვსი შვილი შეეძინა:
თავის საყვარლებთან მას სულ რვა უკანონო შვილი ჰყავდა.
ლიბერა პორტონერისთან:
ბონა დი რომანიანოსთან:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.