From Wikipedia, the free encyclopedia
ტოჰოკუს მიწისძვრა და ცუნამი (იაპონ. 東北地方太平洋沖地震) — 8,9–9,0 მაგნიტუდის მიწისძვრა, რომელიც 2011 წლის 11 მარტის 14:46 საათზე მოხდა.[4][5] მიწისძვრის ეპიცენტრი მდებარეობდა ტოჰოკუს რეგიონში არსებული ოშიკას ნახევრკუნძულიდან 130 კილომეტრში, მისი ჰიპოცენტრი კი დედამიწის ქერქში 24,4 კილომეტრის სიღრმეზე არსებულა.[6][7]
სტატიას ან სექციას სჭირდება განახლება. |
![]() | |
12 მარტი, სენდაის ხედი ვერტმფრენიდან. | |
თარიღი | 11 მარტი, 2011 |
---|---|
დრო | 05:46:23 (UTC+9) (14:46 JST) |
ხანგრძლივობა | 5 წუთი[1] |
მაგნიტუდა | 8,9 Mw |
სიღრმე | 24,4 კმ. |
ეპიცენტრის მდებარეობა | 38.322° ჩ. გ. 142.369° ა. გ. |
დაზარალებული ტერიტორია | ![]() |
ცუნამი | კი |
მეწყერი | კი |
განმეორებითი ბიძგები | მინიმუმ 813 (55 – 6,0 Mwზე მეტი) |
მსხვერპლი | 4314-ზე მეტი დაღუპული, 8606 დაკარგული[2][3] |
მიწისძვრამ გამოიწვია ცუნამის საშიშროება იაპონიის წყნაროკეანურ სანაპიროზე და სულ მცირე 20 ქვეყანაში, მათ შორის ჩრდილოეთი და სამხრეთი ამერიკის წყნაროკეანურ სანაპიროებზე.[8][9][10] ცუნამის 10 მეტრიანმა ტალღებმა იაპონიას დაარტყეს [5] იაპონიაში ტალღები ხმელეთში 10 კილომეტრის მანძილზე შეიჭრა.[11]
იაპონიის პოლიციის ეროვნულმა სააგენტომ ოფიციალურად დაადასტურა 14 063[2] ადამიანის გარდაცვალება, 4916[2] ადამიანის დაშავება და 14 175[2] ადამიანის უგზო-უკვლოდ გაქრობა იაპონიის 16 პრეფექტურაში, თუმცა გარდაცვლილთა და დაშავებულთა რიცხვი გაცილებით დიდია.[12] მიწისძვრამ მიაყენა უმძიმესი ზარალი იაპონიას, მათ შორის მძიმედ დაზიანდა რკინიგზა და საავტომობილო გზები, დაინგრა რამდენიმე დამბა. 4.4 მილიონი საცხოვრებელი სახლი ჩრდილო-აღმოსავლეთ იაპონიაში დარჩა ელექტროენერგიისგან და 1.4 მილიონი წყლის გარეშე.[13] ენერგიის მრავალი გენერატორი გაითიშა, მათ შორის დადნა ორი ატომური სადგურის რეაქტორის აქტიური ზონა,[14][15] რის გამოც მიახლოებული ტერიტორიებიდან მოსახლეობის ევაკუაცია განხორციელდა[16] და გამოცხადდა საგანგებო მდგომარეობა. მიწისძვრის შედეგად, 24 საათში, აფეთქდა ფუკუშიმის ატომური სადგური; მიუხედავად გარე შენობის დანგრევისა, რეაქტორის დამცველი სარკოფაგი არ დაზიანებულა.[13][17][18] ფუკუშიმას I და ფუკუშიმას II სადგურების 20 და 10 კილომეტრის რადიუსზე მოსახლეობის ევაკუაცია მოხდა. ამ დროისთვის არ არსებობს ზარალის ზუსტი შეფასება, "AIR Worldwide" ზარალს $14.5 - $34.6 მილიარდად აფასებდა,[19] ხოლო "CNN"-მა ზარალის შეფასება 100 მილიარდამდე გაზარდა.[20]
სენდაის მიწისძვრის მაგნიტუდისა და შემდგომი მოვლენების გამო 2011 წლის მიწისძვრა ითვლება უძლიერესად იაპონიის ისტორიაში და შედის მსოფლიოს ხუთი უძლიერესი მიწისძვრის სიაში.[21][22][23] იაპონიის პრემიერ-მინსიტრმა ნაოტო კანმა შეაფასა მიწისძვრა როგორც "მეორე მსოფლიო ომის დასრულების 65 წლის შემდეგ, ეს არის ურთულესი და უმძიმესი კრიზისი, რომლის წინაშეც იაპონია დამდგარა."[24]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.