სიტულა

სიტულა (ლათ. situla — სათლი) — ბრინჯაოს ჭურჭელი. ცნობილია არქეოლოგიური აღმოჩენების შედეგად (ჰალშტატის კულტურა და ლატენის კულტურა), რომელიც ადრინდელი რკინის ხანას განეკუთვნებოდა. ადრინდელი სიტულას მრგვალი მუცელი და 2 მირჩილული ყური აქვს. გვიანდელი სიტულა კონისებურია, ზევით ფართოვდება და რკალისებრი მოძრავი სახელური აქვს. ზოგი სიტულა შემკულია სხვადასხვა რელიეფით. სიტულა დამახასიათებელია ადრინდელი რკინის ხანის ქართული კულტურისა და საერთოდ კავკასიის ცივილიზაციისათვის.

ლიტერატურა

• საქართველოს არქეოლოგია, თბ., 1959;
• ქართული საბჭოთა ენციკლოპედია, ტ. 9, თბ., 1985. — გვ. 403.