From Wikipedia, the free encyclopedia
სიმონ ერიან ბაილზი (დ. 14 მარტი, 1997)[2] — ამერიკელი სპორტული ტანმოვარჯიშე. ბაილზი არის 2016 წლის ზაფხულის ოლიმპიური თამაშების ინდივიდუალური „all-around“, „ბჯენითი რბენები“ და „floor exercise“ ღონისძიებების გამარჯვებული და „balance beam“ ღონისძიების ვერცხლის მედალოსანი. ამავე ოლიმპიურ თამაშებზე ბაილზმა საბოლოო ხუთეულის სხვა წევრებთან ერთად აშშ-ს კიდევ ერთი გუნდური ოქროს მედალი მოუპოვა.[3]
სიმონ ბაილზი | |
---|---|
![]() სიმონ ბაილზი 2016 წლის ზაფხულის ოლიმპიურ თამაშებზე | |
სრული სახელი | სიმონ ერიან ბაილზი |
დაიბადა |
14 მარტი, 1997[1] კოლუმბუსი, ოჰაიო, აშშ |
საცხოვრებელი ადგილი | ჰიუსტონი, ტეხასი, აშშ |
რეზიდენცია | სპრინგი, ტეხასი, აშშ |
სიმაღლე | 1,42 მ. |
დისციპლინა | ქალთა მხატვრული ტანვარჯიში |
დონე | უფროსთა შორის საერთაშორისო ელიტური |
ეროვნულ ნაკრებში | 2012-2016 |
მწვრთნელ(ებ)ი | ლორან ლენდი |
ასისტენტი მწვრთნელ(ებ)ი | ეიმი ბურმენი |
ქორეოგრაფი | დომინიკ ზიტო |
ბაილზი არის „all-around“ ღონისძიებაში სამგზის მსოფლიო ჩემპიონი (2013-2015), „floor exercise“ ღონისძიებაში სამგზის მსოფლიო ჩემპიონი (2013-2015), „balance beam“ ღონისძიებაში ორგზის მსოფლიო ჩემპიონი (2014, 2015), აშშ-ის ეროვნული ჩემპიონატის ოთხგზის „all-around“ ჩემპიონი (2013-2016) და 2014 და 2015 წლების სპორტული ტანვარჯიშის მსოფლიო ჩემპიონატების გამარჯვებული ამერიკის ნაკრების წევრი. 2015 წლის მსოფლიო ჩემპიონატზე ბაილზმა ბრინჯაოს მედალი მოიპოვა „ბჯენითი რბენები“ ღონისძიებაში.
საერთო ჯამში, 19 ოლიმპიური და მსოფლიო მედლით ბაილისი ამერიკელ ტანმოვარჯიშეებს შორის ყველაზე ტიტულოვანი ტანმოვარჯიშეა. ამ მაჩვენებლით მან შენონ მილერს გადაუსწრო, რომელიც 7 ოლიმპიური და 9 მსოფლიო მედლით 1993 წლიდან ლიდერობდა ამერიკელთა შორის. რიოში მოპოვებული გამარჯვების შემდეგ ბაილზი მეექვსე ქალი ტანმოვარჯიშე გახდა, რომელმაც ინდივიდუალურ „all-around“ ღონისძიებაში როგორც მსოფლიო ჩემპიონატზე, ისე ოლიმპიურ თამაშებზეც ოქროს მედალი მოიპოვა. 4 ოლიმპიური ოქროს მედლით ბაილზმა ამერიკელ ქალ ტანმოვარჯიშეთა შორის რეკორდი დაამყარა ერთ ოლიმპიურ თამაშებზე მოპოვებული ოქროს მედლების რაოდენობით. ითვლება ერთ-ერთ საუკეთესო ტანმოვარჯიშედ.[4][5]
ბაილზმა პირველად ტანვარჯიშის მოძრაობების შესრულება 6 წლის ასაკში, საველე მოგზაურობის დროს სცადა. ინსტრუქტორებმა მას ტანვარჯიშში ვარჯიშის გაგრძელება ურჩიეს. ბაილზი მალე მართლაც ჩაირიცხა ბენონის ტანვარჯიშის სავარჯიშო პროგრამაზე.[6] 8 წლის ასაკიდან მან მწვრთნელ ეიმი ბურმანთან დაიწყო ვარჯიში.[7]
ბაილზის კარიერა 2011 წლის 1 ივლისს, ჰიუსტონში ჩატარებული ამერიკული კლასიკური ჩემპიონატით დაიწყო, სადაც მან „ბჯენითი რბენები“ და „balance beam“ ღონისძიებაში პირველი, „all-around“ ღონისძიებაში — მესამე, „floor exercise“ ღონისძიებაში — მეოთხე და „uneven bars“ ღონისძიებაში — მერვე ადგილები დაიკავა.[8] შემდეგი ჩემპიონატი არც თუ ისე წარმატებული აღმოჩნდა. ბილსმა ილინოისში გამართულ აშშ-ის კლასიკურ ჩემპიონატზე „all-around“ ღონნისძიებაში მე-10, „balance beam“ და „floor exercise“ ღონისძიებებში კი, მეხუთე ადგილები დაიკავა.[9][10]
2012 წელს ბაილზი საჯარო სკოლიდან გამოვიდა, რამაც შესაძლებობა მისცა ვარჯიშის დრო კვირაში 20 საათიდან 32 საათამდე გაეზარდა. გაზრდილმა ვარჯიშის დრომ 2012 წლის სეზონში ბაილზის წარმატებას შეუწყო ხელი. Biles credited the increased training time with her improved success during the 2012 season.[6] 2012 წელს ჰანტსვილში, ტეხსასში გამართულ ამერიკულ კლასიკურ ჩემპიონატზე „all-around“ და „ბჯენითი რბენები“ ღონისძიებებში პირველი ადგილი, „floor exercise “ღონისძიებაში — მე-2, „balance beam“ ღონისძიებაში — მე-3, ხოლო „uneven bars“ ღონისძიებაში — მე-4 ადგილი დაიკავა.[11][12] კარგმა მაჩვენებლებმა ბაილსს შესაძლებლობა მისცა 2012 წლის აშშ-ის ტანვარჯიშის ეროვნულ ჩემპიონატში მიეღო მონაწილეობა.[11] 2012 წლის ამერიკის კლასიკურ ჩემპიონატზე, ჩიკაგოში მან „all-around“ და „ბჯენითი რბენები“ ღონისძიებებში პირველი ადგილი დაიკავა, „floor exercise“ ღონისძიებაში — მე-2, ხოლო „balance beam“ ღონისძიებაში — მე-6. ივნისში სენტ ლუისში, მისურიში გამართულ ჩემპიონატზე „ბჯენითი რბენები“ ღონისძიებაში 1-ელი, „all-around“ ღონისძიებაში — მე-3, ხოლო „uneven bars“, „balance beam“ და „floor exercise“ ღონისძიებებში — მე-6 ადგილი დაიკავა.[13] ამ გამოსვლის შემდეგ ბაილზი აშშ-ის ტანვარჯიშის უმცროსთა ეროვნულ ნაკრებში აიყვანეს.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.