From Wikipedia, the free encyclopedia
პიატიგორსკის სახელმწიფო უნივერსიტეტი — უმაღლესი საგანმანათლებლო დაწესებულება პიატიგორსკში.
აღნიშნული უნივერსიტეტი დაარსდა 1939 წელს, „პიატიგორსკის სახელობის სახელმწიფო პედაგოგიური ინსტიტუტის“ სახელით. 1961 წელს მას ეწოდა „პიატიგორსკის უცხო ენათა სახელმწიფო ინსტიტუტი“. 1995 წელს ეწოდა „პიატიგორსკის სახელმწიფო ენობრივ უნივერსიტეტი“, ხოლო 2016 წელს მას ეწოდა „პიატიგორსკის სახელმწიფო უნივერსიტეტი“.
2009 წლისთვის უნივერსიტეტს 10 ფაკულტეტი ჰქონდა. 2010 წლის დასაწყისში ფაკულტეტების ბაზაზე შეიქმნა ინსტიტუტები და უმაღლესი სკოლები, რომელთაგან თითოეული მოიცავდა ერთ-ერთ ფაკულტეტს. გარდა ამისა, უნივერსიტეტს აქვს განვითარებული წინასაუნივერსიტეტო, დიპლომისშემდგომი და დამატებითი განათლების სისტემა, ასევე ნოვოროსიისკის ფილიალი. დღეისათვის პიატიგორსიკის სახელმიწიფო უნივერსიტეტში სულ მოქმედებს 34 განყოფილება.
საგანმანათლებლო ინსტიტუტები და უმაღლესი სასწავლებლები:
უნივერსიტეტის მასშტაბით განყოფილებებს განსაკუთრებული სტატუსი აქვთ: აღმოსავლური ენებისა და კულტურების დეპარტამენტი და ინფორმაციული ტექნოლოგიების დეპარტამენტი, რომელიც იმყოფება რამდენიმე უმაღლეს სასწავლებელში და ინსტიტუტში.
უნივერსიტეტის ცნობილი პედაგოგები იყვნენ: დიმიტრი მორდუხაი-ბოლტოვსკი (1876-1952) - რუსი მათემატიკოსი, სიცოცხლის ბოლო წლებში (1950-1952) ასწავლიდა პედაგოგიურ ინსტიტუტში; ალექსანდრე სელიხანოვიჩი (1880-1968)-რუსი საბჭოთა პედაგოგი, ფილოსოფოსი, პედაგოგიკის ისტორიკოსი, პროფესორი (1920).
2008 წელს უნივერსიტეტმა წარმატებით გაიარა რუსეთის სავაჭრო – სამრეწველო პალატის სერტიფიცირება და მიიღო შესაბამისი სერტიფიკატი, ხოლო 2009 წელს მიენიჭა სპეციალური დიპლომი მაღალკვალიფიციური სპეციალისტების მომზადებაში დიდი წვლილისთვის, ფილოლოგიისა და ენათმეცნიერების დარგში სამეცნიერო კვლევების ჩატარებისათვის. 2011 წლის ოქტომბერში, შემდეგ კი 2014 წლის ოქტომბერში, რუსეთის ფედერაციის სავაჭრო-სამრეწველო პალატამ კვლავ შეიტანა უნივერსიტეტი თავის რეესტრში და გასცა შესაბამისი სერტიფიკატი, რომელიც დაადასტურებს უნივერსიტეტის კურსდამთავრებულთა მომზადების, გადამზადებისა და კვალიფიკაციის ამაღლების მაღალ დონესა და ხარისხს.
მნიშვნელოვანი ეტაპი იყო 2009 წლის მარტში რექტორის, პროფესორ ალექსანდრე გორბუნოვი რუსეთის 23 უნივერსიტეტის დელეგაციის შემადგენლობაში შეყვანა, რომელთა შორის პიატიგორსკის სახელმწიფო უნივერსიტეტი ერთადერთი უნივერსიტეტი იყო ჩრდილოეთ კავკასიაში, უნივერსიტეტის რექტორთა პირველ ფორუმში „იბეროამერიკა-რუსეთი“, რომელიც ჩატარდა რუსეთის ფედერაციის პრეზიდენტის დიმიტრი მედვედევის ესპანეთის სამეფოში სახელმწიფო ვიზიტისა და მეფე ხუანთან შეხვედრის ფარგლებში.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
