From Wikipedia, the free encyclopedia
პერიდოტიტი (ფრანგ. péridot — პერიდოტი, ან ოლივინი) — ულტრაფუძე ინტრუზიული ქანი, რომელიც ძირითადად შედგება ოლივინის (70-30%), პიროქსენისა (30-70%) და ზოგჯერ რქატყუარისაგან. სილიციუმის ოქსიდის შემცველობა მერყეობს 40-46%-ის ფარგლებში, ხოლო მაგნიუმის ოქსიდისა 34-46 %. მეორეხარისხოვანი მინერალების სახით პერიდოტიტში გვხვდება მაგნეტიტი, ილმენიტი, პიროტინი, ქრომიტი, შპინელი, გრანატი და სხვა. ზოგჯერ პერიდოტიტი შეიცავს პლატინასა და ზოგიერთ ნიკელიან მინერალებს. პერიდოტიტი მუქი მწვანე ფერის ქანია. ოლივინი და პიროქსენები ზოგჯერ მეტად სერპენტინიზებულია; ასეთ შემთხვევაში პერიდოტიტი გადადის სერპენტინში. პერიდოტიტი ულტრაფუძე და ფუძე ქანებთან ერთად წარმოქმნის მნიშვნელოვანი სიგრძის სარტყლებსა და ზონებს, სადაც თავმოყრილია ქრომიტის, ტალკის, ქრიზოტილ-აზბესტისა და სხვა სასარგებლო-წიაღისეულების საბადოები.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.