![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/27/Bundesarchiv_Bild_146-1972-039-44%252C_Heydrich-Attentat.jpg/640px-Bundesarchiv_Bild_146-1972-039-44%252C_Heydrich-Attentat.jpg&w=640&q=50)
ოპერაცია ანტროპოიდი
From Wikipedia, the free encyclopedia
ოპერაცია ანტროპოიდი — რაინჰარდ ჰაიდრიხის მკვლელობის ოპერაციის კოდური სახელწოდება. რაინჰარდ ჰაიდრიხი იყო მესამე რაიხის ხანის გერმანიის სახელმწიფო და სამხედრო მოღვაწე, სს-ის (შუცტაფელი) ობერგრუპენფიურერი და პოლიციის გენერალი, რაიხის უშიშროების მთავარი სამმართველოს (RSHA) ხელმძღვანელი, ბოჰემიის და მორავიის რაიხსპროტექტორის მოადგილე. მას პრაღაში სასტიკი პოლიტიკის გატარების გამო ,,პრაღელი ჯალათი” შეარქვეს.
![Thumb image](http://upload.wikimedia.org/wikipedia/commons/thumb/2/27/Bundesarchiv_Bild_146-1972-039-44%2C_Heydrich-Attentat.jpg/640px-Bundesarchiv_Bild_146-1972-039-44%2C_Heydrich-Attentat.jpg)
![Thumb image](http://upload.wikimedia.org/wikipedia/commons/thumb/d/da/Bundesarchiv_Bild_183-R98683%2C_Reinhard_Heydrich.jpg/320px-Bundesarchiv_Bild_183-R98683%2C_Reinhard_Heydrich.jpg)
ოპერაცია 1942 წლის 27 მაისს ჩეხოსლოვაკიის დედაქალაქ პრაღაში ჩატარდა, რომლის დროსაც რაინჰარდ ჰაიდრიხი ტანკსაწინააღმდეგო ყუმბარით მიყენებული ჭრილობით რამდენიმე დღეში, 4 ივნისს გარდაიცვალა. თავდამსხმელებმა ოპერაციის დასრულების შემდეგ თავი ახლოს მდებარე ეკლესიას შეაფარეს, სადაც სს-ის ჯარებმა ყველა დახოცეს. ოპერაციას ხელმძღვანელობდა ჩეხოსლოვაკიის გაძევებული მთავრობა, რომელიც ოპერაციას ლონდონიდან მართავდა.[1]