From Wikipedia, the free encyclopedia
ნიჟნი-ნოვგოროდის ღვთისმშობლის მიძინების ეკლესია (რუს. Церковь Успения Божией Матери) — მართლმადიდებლური მონასტერი ნიჟნი-ნოვგოროდში. დაარსებულია 1672 წელს. შედის მთავარეპისკოპოსის მეტოქის შემადგენლობაში ამაღლებისა და სერგი რადონეჟელის ეკლესიასთან ერთად[1].
ნიჟნი-ნოვგოროდის ღვთისმშობლის მიძინების ეკლესია | |
![]() | |
ძირითადი ინფორმაცია | |
---|---|
გეოგრაფიული კოორდინატები | 56°19′35″ ჩ. გ. 43°59′26″ ა. გ. |
რელიგიური კუთვნილება | რუსეთის მართლმადიდებელი ეკლესია |
ქვეყანა | ![]() |
პროვინცია | ნიჟნი-ნოვგოროდის ოლქი |
ადგილმდებარეობა | ნიჟნი-ნოვგოროდი |
სასულიერო სტატუსი | მოქმედი |
ფუნქციური სტატუსი | ![]() |
ხუროთმოძღვრების აღწერა | |
თარიღდება | 1672 |
მიეკუთვნება რუსეთის მართლმადიდებელი ეკლესიის მოსკოვის საპატრიარქოს ნიჟნი-ნოვგოროდის ეპარქიას.
ნიჟნი-ნოვგოროდის ღვთისმშობლის მიძინების ეკლესია რუსეთის ფედერაცის ფედერალური მნიშვნელობის კულტურული მემკვიდრეობის ძეგლია[2].
დღევანდელი ქვის მიძინების ეკლესიის ადგილზე ადრე მდებარეობდა მონასტერი, რომელიც მოხსენიებულია ვასილი შუისკის სიგელში 1606 წელს[1]. მონასტერი ყოფილა ხის და ნაკურთხი ღვთისმშობლის მიძინების სახელზე, მაგრამ უკვე 1621 წლის სიგელში მოიხსენიება, როგორც სამრევლო ეკლესია[1].
ღვთისმშობლის მიძინების ქვის ეკლესია ააგო ვაჭარმა ათანასე ოლისოვმა. მშენებლობა დასრულდა 1672 წელს[1].
1715 წელს ეკლესია განადგურდა ხანძრისაგან და აღადგინეს[3]. 1934 წელს ეკლესიის სამრეკლო და სატრაპეზო დაანგრიეს[3]. მიძინების ეკლესიის თავდაპირველი სახე აღადგინეს 1965-1967 წლებში მიმდინარე სარესტავრაციო სამუშაოებს დროს. პროექტის ხელმძღვანელმა სვიატოსლავ აგაფონოვმა ასევე აღადგინა სატრაპეზო და სამრეკლო[3]. 2003 წელს შედგასაკურთხევლის კურთხევის ცერემონია.
ეკლესია კვლავ შეარემონტეს 2004 წელს. აღდგა სატრაპეზოც და სამრეკლოც. 2004 წლის 15 მარტს ხატმწერების ჯგუფმა ალექსი ანციფეროვის ხელმძღვანელობით დაიწყო ეკლესიის მოხატვის სამუშაოები, ასევე საკურთხევლის რესტავრაცია და კანკელის დასრულება[4][5].
12 ივნისს აკურთხეს ჯვარი და ზარი, ყველაზე დიდი ზარის წონა იყო - 1 600 კგ[3][4]. 28 ივლისს ეკლესია შეიყვანეს მთავარეპისკოპოსის მეტოქის შემადგენლობაში[6]. 2004 წლის 29 ივლისს ნიჟნი-ნოვგოროდისა და არზამასის ეპისკოპოსმა გიორგიმ აღასრულა ტაძრის კურთხევის ცერემონიალი[7]. ღვთისმშობლის მიძინების ტაძარი გახდა პირველი, რომელიც აღადგინეს პროექტ „ილინის სლობოდის“ ფარგლებში[7].
2005 წლის დეკემბერში ეკლესიის წინ პირველად აღმართეს საშობაო ნაძვის ხე[8].
2011წლის 14 დეკემბერს შედგა ოთხი მოზაიკური ხატის კურთხევა, ერთ-ერთი იყო უფლის ხელთუქმნელი ხატი, მეორე - ვლადიმირის დიდი თავადის იური ვსევოლოდის ძის ხატი, მესამე - სერგი რადონეჟელისა, ხოლო მეოთხე - მიქაელ მთავარანგელოზის ხატი. ხატები შეასულეს ხატწერის სახელოსნო „Ковчег“-ში. თითოეულ ხატზე მუშაობა გაგრძელდა ორი თვის მანძილზე[9].
ტაძარში დაცულია წმინდა ბარბარეს, წმინდა ფილარეტისა და წმინდა ინოკენტის სხეულის წმინდა ნაწილები.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.