ლიტერი
From Wikipedia, the free encyclopedia
ლიტერი (ლათ. lit(t)era — ასო-ნიშანი) — ლითონის, პლასტმასის ან ხის სწორკუთხა კვეთის ძელაკი, რომლის ერთ-ერთ წახნაგზე არის ასოს ან ნიშნის რელიეფური გამოსახულება. რელიეფური ანუ ამოზნექილი გამოსახულების დანიშნულებაა ასოებისა და ნიშნების აღწარმოება. პოლიგრაფიული ხერხით ბეჭდვისას ასო-ნიშნის თვალს საღებავით ფარავენ და ქაღალდზე ანაბეჭდს იღებენ. ყველაზე მეტად გავრცელებულია სასტამბო შენადნობისგან ჩამოსხმული ლითონის ლიტერი. ლიტერის ზომას განსაზღვრავს მისი კეგელი (k), სისქე(d) და სიმაღლე(h). ეს უკანასკნელი ყველა ლიტერისთვის მუდმივია.