![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f9/Lana_Del_Rey_at_KROQ_Weenie_Roast_2017_%2528cropped%2529.jpg/640px-Lana_Del_Rey_at_KROQ_Weenie_Roast_2017_%2528cropped%2529.jpg&w=640&q=50)
ლანა დელ რეის დისკოგრაფია
From Wikipedia, the free encyclopedia
ამერიკელმა მომღერალმა და სიმღერების ავტორმა ლანა დელ რეიმ გამოსცა სამი სტუდიური ალბომი, ოთხი EP, 19 სინგლი და 16 მუსიკალური ვიდეო. მსოფლიო მასშტაბით მას გაყიდული აქვს შვიდ მილიონზე მეტი ალბომი და 12 მილიონზე მეტი სინგლი.[1] 2007 წელს დელ რეიმ 5 Points Records-თან კონტრაქტი გააფორმა და შემდეგ წელს გამოსცა სადებიუტო EP Kill Kill, ფსევდონიმით ლიზი გრანტი. სადებიუტო სტუდიური ალბომი Lana Del Ray დაიგეგმა, მაგრამ მხოლოდ 2010 წლის იანვარში, ფსევდონიმით Lana Del Ray გამოვიდა.[2] 3 თვის შემდეგ იგი გაყიდვიდან ამოღებული იქნა.[3]
ლანა დელ რეის დისკოგრაფია | |
---|---|
![]() | |
სტუდიური ალბომები | 9 |
მუსიკალური ვიდეოები | 16 |
EP-ები | 4 |
სინგლები | 38 |
ხელმეორე გამოცემები | 5 |
2011 წელს დელ რეიმ გააფორმა კონტრაქტი Stranger Records-თან და გამოსცა პირველი სინგლი, "Video Games". იგი ევროპის ქვეყნების სინგლების ათეულებში მოხვდა და რამდენიმე სერტიფიკატი მიიღო. წლის ბოლოს ლეიბლებთან Interscope Records და Polydor Records დელ რეიმ ერთობლივი კონტრაქტი გააფორმა და გამოუშვა მეორე ალბომი Born to Die (2012).[4] Born to Die Billboard 200-ის მეორე პოზიციამდე ავიდა და სხვადასხვა ქვეყნის ჩარტების პირველ პორიზიციებზეც მოხვდა, მაგალითად, ავსტრალიაში, საფრანგეთში და ირლანდიაში.[5][6] 2012 წელს იგი იყო რიგით მეხუთე ყველაზე გაყიდვადი ალბომი, 3.4 მილიონი გაყიდული ასლით.[7] 2014 წლისთვის იგი მსოფლიოში შვიდი მილიონი ასლის სახით გაიყიდა,[8] მხოლოდ აშშ-ში - მილიონი ასლის ოდენობით.[9] ალბომიდან გამოვიდა ხუთი სინგლი - "Born to Die", "Blue Jeans", "Summertime Sadness", "National Anthem" და "Dark Paradise". 2013 ივნის-ივლისში გამოვიდა სედრიკ ჯერვეისის მიერ ჩაწერილი "Summertime Sadness" რემიქსი, რომელიც მოხვდა Billboard Hot 100-ის #6 პოზიციაზე და აშშ-ის ათეულში მოხვედრილ ლანას პირველ სინგლად იქცა.[10]
2012 წლის ბოლოს დელ რეიმ გამოუშვა EP called Paradise და Born to Die-ს ახალი გამოცემა, Born to Die: The Paradise Edition. EP-დან გამოვიდა სინგლები "Blue Velvet", "Ride" და "Burning Desire". 2013 წელს და 2014 წლის იანვარში დელ რეის სიმღერები "Young and Beautiful" და "Once Upon a Dream" მოხვდა ფილმ „დიდი გეტსბის“ და, შესაბამისად, „მალეფისენტას“ საუნდტრეკებში. მესამე სტუდიური ალბომი, Ultraviolence, გამოვიდა 2014 წლის ზაფხულში და 12 ქვეყნის ჩარტებში პირველ ადგილზე მოხვდა.[11] ალბომიდან გამოვიდა სინგლები "West Coast", "Shades of Cool", "Ultraviolence", "Brooklyn Baby" და "Black Beauty". 2014 წლის ივლისისთვის ალბომი მსოფლიოში გაყიდული იქნა მილიონზე მეტი ასლის ოდენობით.[12]