![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/42/CEF_Agricultural_Museum.jpg/640px-CEF_Agricultural_Museum.jpg&w=640&q=50)
კანადის სოფლის მეურნეობისა და საკვების მუზეუმი
From Wikipedia, the free encyclopedia
კანადის სოფლის მეურნეობისა და საკვების მუზეუმი (ინგლ. Canada Agriculture and Food Museum, ფრანგ. Musée de l'agriculture et de l'alimentation du Canada) — სოფლის მეურნეობის ეროვნული მუზეუმი ოტავაში, ონტარიო, კანადა. მუზეუმი რამდენიმე შენობაშია განთავსებული, მათ შორის ცენტრალურ საექსპერიმენტო ფერმაში. მუზეუმი მოქმედებს, როგორც „მომუშავე ფერმა“ და საზოგადოებას სთავაზობს საჯარო პროექტებსა და გამოფენებს სასოფლო-სამეურნეო მეცნიერებების შესახებ. ადგილზე მოწყობილი გამოფენების გარდა მუზეუმი ორგანიზებას უწევს ქვეყნის სხვა მუზეუმებში სოფლის მეურნეობის შესახებ გამოფენების მოწყობას.
კანადის სოფლის მეურნეობისა და საკვების მუზეუმი | |
---|---|
![]() | |
45.387766°00′00″ ჩ. გ. 75.709083°00′00″ დ. გ. | |
დაარსდა | 12 ოქტომბერი, 1983[1][2] |
ქვეყანა |
![]() |
სტატუსი | სოფლის მეურნეობის მუზეუმი |
ვიზიტორები | 202 000[3] |
დირექტორი | კერი-ლეით ბურშილი[4] |
ოფიციალური საიტი | ingeniumcanada.org/cafm |
ცენტრალურ საექსპერიმენტო ფერმაში გამოფენა პირველად 1920 წელს მოეწყო (ამ პერიოდში კანადის სოფლის მეურნეობისა და საკვების მუზეუმი ოფიციალურად არ გახსნილა). 1983 წელს მუზეუმი კანადის მთავრობამ ოფიციალურად გახსნა და მას სოფლის მეურნეობის მუზეუმი უწოდა. თავდაპირველად მუზეუმი მხოლოდ რძის პროდუქტების განყოფილებას მოიცავდა, მოგვიანებით კი გაფართოვდა და მუზეუმმა ცენტრალური საექსპერიმენტო ფერმისს სხვა შენობებიც დაიკავა. 2000 წლის მაისში მუზეუმს კანადის სოფლის მეურნეობის მუზეუმი ეწოდა, 2013 წლის მაისში კი ამჟამინდელი სახელი მიენიჭა.