From Wikipedia, the free encyclopedia
ინტერი (უკრ. Інтер) — უკრაინული ტელეარხი, რომელმაც მაუწყებლობა დაიწყო 1996 წლის 20 ოქტომბერს და შედის „Inter Media Group“ ჰოლდინგში.
დაარსების დღიდან გენერალური დირექტორი იყო ალექსანდრე ზინჩენკო, რომელიც შემდეგში არხის საპატიო პრეზიდენტი გახდა. 2001-2006 წლებში ტელეარხს ხელმძღვანელობდა ვლადისლავ რიაშინი. მისი ხელმძღვანელობის პერიოდში „ინტერი“ უკრაინის წამყვანი ტელეარხი გახდა.
2002 წლის 30 დეკემბრიდან „ინტერი“ სადღეღამისო მაუწყებლობაზე გადავიდა.[1]
2016-2019 წლებში ტელეარხის მმართველი იყო ეკატერინა შკურატოვა.[2]
მფლობელები სხვადასხვა დროს იყვნენ: იგორ პრუჟნიკოვი (1996-2005), ვალერი ხოროშკოვსკი (2005-2013), დიმიტრი ფირტაში (2006-2021), სერგეი ლიოვოჩკინი (2013-დან).
2006 წელს ტელეარხმა გახსნა „ინტერსკოლა“ — მედიასაგანმანათლებლო პროგრამა, რომლის მიზანია სატელევიზიო სფეროს მაღალკვალიფიციური სპეციალისტების მომზადება.
ტელეარხმა ჩამოაყალიბა საქველმოქმედო ფონდი — პროგრამა, რომელიც ორიენტირებულია ობოლი და ავადმყოფი ბავშვების დახმარებაზე. ფონდი ასევე აფინანსებს სპორტულ, შემოქმედებით ორგანიზაციებს და ახალგაზრდა ტალანტებს. ფონდის დირექტორია ტელეწამყვანი დაშა მალახოვა.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.