ზემო ანგარა

ზემო ანგარა (რუს. Верхняя Ангара) — მდინარე რუსეთში, ბურიატეთის რესპუბლიკაში. სათავე აქვს ბაიკალ-ვიტიმის წყალგამყოფზე, ზღვის დონიდან 2000 მ სიმაღლეზე. ერთვის ბაიკალის ტბას. სიგრძე 452 კმ. აუზის ფართობი 21 400 კმ². ზემო დინებაში მიედინება უმეტესწილად ვიწრო ხეობაში, სადაც ჭორომებს ქმნის. ქვემო დინებაში ფართოდ დაჭაობებულ ხეობაში იშლება. საზრდოობა შერეულია. ჭარბობს წვიმის და მიწისქვეშა წყალი. ოქტომბრის ბოლოს იყინება. წყლის საშუალო ხარჯი 265 მ³/წმ. ზამთარში შესართავში ფიქსირდება წყლის მინიმალური ხარჯი — 45 მ³/წმ. სანაოსნოა.

ზემო ანგარა
ქვეყანა	რუსეთი
სათავე	ბაიკალ-ვიტიმის წყალგამყოფი 56°35′33″ ჩ. გ. 113°46′38″ ა. გ.
სიგრძე	452 კმ
აუზის ფართობი	21 400 კმ²
ზემო ანგარა ვიკისაწყობში

რესურსები ინტერნეტში

• ზემო ანგარა — სტატია დიდი რუსული ენციკლოპედიიდან (რუსული)