From Wikipedia, the free encyclopedia
გლორია მაკაპაგალ-აროიო (დ. 5 აპრილი, 1947, სან-ხუანი, ფილიპინები) — ფილიპინების პოლიტიკური მოღვაწე, ფილიპინების პრეზიდენტი 2001—2010 წლებში. ქვეყნის მეორე ქალი პრეზიდენტი და ყოფილი პრეზიდენტის დიოსდადო მაკაპაგალას შვილი.
გლორია მაკაპაგალ-აროიო | |
ფილიპინების პრეზიდენტი | |
---|---|
თანამდებობაზე ყოფნის დრო | |
20 იანვარი, 2001 – 30 ივნისი, 2010 | |
წინამორბედი | ჯოზეფ ესტრადა |
მემკვიდრე | ბენინიო აკინო |
ფილიპინების ვიცე-პრეზიდენტი | |
თანამდებობაზე ყოფნის დრო | |
30 ივნისი, 1998 – 20 იანვარი, 2001 | |
პრეზიდენტი | ჯოზეფ ესტრადა |
წინამორბედი | ჯოზეფ ესტრადა |
მემკვიდრე | თეოფისტო გინგონა |
დაბადებული | 5 აპრილი, 1947 სან-ხუანი, ფილიპინები |
ხელმოწერა |
მარია გლორია მაკაპაგალ აროიო დაიბადა 1947 წლის 5 აპრილს პოლიტიკოს დიოსდადო მაკაპაგალას ოჯახში. თავისი ბავშვობა მარია გლორიამ კუნძულ მინდანაოზე ქალაქ ილიგანში გაატარა, ხოლო 14 წლის გლორია უკვე საპრეზიდენტო სასახლეში გადავიდა საცხოვრებლად, რადგან მამამისი დიოსდადო მაკაპაგალი 1961 წელს ქვეყნის პრეზიდენტად აირჩიეს. საპრეზიდენტო სასახლეში გლორია 1965 წლამდე ცხოვრობდა, მანამ სანამ მამამისი ქვეყნის პრეზიდენტის მოვალეობას ასრულებდა.
საშუალო განათლება და კომერციულ მეცნიერებათა ბაკალავრის ტიტული მომავალმა პრეზიდენტმა მანილას რელიგიურ კოლეჯში მიიღო, შემდეგ კი სწავლა გააგრძელა ვაშინგტონის ჯორჯტაუნის უნივერსიტეტში. სამშობლოში დაბრუნებულმა ყოფილი პრეზიდენტის ქალიშვილმა გადაწყვიტა ეკონომიკური განათლება გაეფართოვებინა და სწავლა გააგრძელა მანილას უნივერსიტეტში სადაც მიიღო ეკონომიკურ მეცნიერებათა დოქტორის ხარისხი. ჯორჯტაუნის უნივერსიტეტში მასთან ერთად ერთ კურსზე სწავლობდა კიდევ ერთი მომავალი პრეზიდენტი თავისი ქვეყნისა უილიამ ჯეფერსონ ბილ კლინტონი.[1] თითქმის ერთდროულად 2001 წლის 20 იანვარს, მაშინ როცა აშშ-ს პრეზიდენტი ბილ კლინტონი პოსტს ტოვებდა, მისი ფილიპინელი თანაკურსელი მანილაში ეპიფანო დე ლა სანტოსის ტაძართან საზეიმოდ დებდა საპრეზიდენტო ფიცს.
აშშ-ში სწავლის შემდეგ ფილიპინებში დაბრუნებული გლორია ცოლად გაჰყვა ადვოკატ ხოსე მიგელ ტუასონ აროიოს, რომელთანაც სამი შვილი შეეძინა. ქალბატონი გლორია ტაგალური ენის გარდა ფლობს ინგლისურსა და ესპანურს.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.