![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b3/Bridge_declarer.jpg/640px-Bridge_declarer.jpg&w=640&q=50)
ბრიჯი
From Wikipedia, the free encyclopedia
ბრიჯი (ინგლ. Bridge) — აღებებზე ორიენტირებული ბანქოს თამაში, რომელიც დამოკიდებულია ოსტატობასა და იღბალზე (ამ კომპონენტების ფარდობითი მნიშვნელობა იცვლება თამაშის სხვადასხვა სახეობების მიხედვით). ბრიჯის თამაშში მონაწილეობს ოთხი მოთამაშე, რომელებიც შეადგენენ ორ წყვილს. სათამაშო მაგიდასთან პარტნიორები ერთმანეთის პირისპირ სხედან. თამაში შედგება ვაჭრობისაგან და გათამაშებისაგან, რის შემდეგაც ხდება დარიგებაში მიღწეული შედეგის დაანგარიშება.
![Thumb image](http://upload.wikimedia.org/wikipedia/commons/thumb/b/b3/Bridge_declarer.jpg/640px-Bridge_declarer.jpg)
ვაჭრობა სრულდება გარკვეული კონტრაქტით, რომელიც წარმოადგენს ერთ-ერთი წყვილის პრეტენზიას, რომ მათი მხარე გააკეთებს აღებების მინიმუმ დეკლარირებულ ოდენობას მათ მიერ დეკლარირებული მასტის კოზირად გამოცხადებისას ან უკოზირო თამაშში. თავად გათამაშების წესები მსგავსია სხვა აღებებზე ორიენტირებული ბანქოს თამაშების წესებისა იმ განსხვავებით, რომ ვაჭრობის სტადიის დასრულების შემდეგ ერთ-ერთი მოთამაშის ხელი (კარტების ერთობლიობა) იხსნება და ღიად განთავსდება მაგიდაზე.
ბრიჯში ეწყობა სპორტული შეჯიბრებები, რა დროსაც ორი ან მეტი მაგიდა თამაშობს ერთი და იმავე დარიგებებით. თამაშის დამთავრების შემდეგ ხდება სხვადასხვა მაგიდებზე მიღწეული შედეგების შედარება. ბრიჯის ასეთ ფორმას სპორტული ბრიჯი ეწოდება. სპორტულ ბრიჯში ტარდება მსოფლიო ჩემპიონატები და ოლიმპიადები.