ბალტიმორი

ბალტიმორი — დამოუკიდებელი ქალაქი მერილენდში აშშ-ის აღმოსავლეთ სანაპიროზე. 2005 წლის მონაცემებით მისი მოსახლეობა 641.943 ადამიანს შეადგენდა. ბალტიმორი მერილენდის უდიდესი ქალაქია და მისი კულტურული და ინდუსტრიული ცენტრია. ქალაქს სახელი მერილენდის კოლონიის დამფუძნებლის, ლორდ ბალტიმორის, პატივსაცემად დაერქვა. მე-19 საუკუნის დასაწყისში ბალტიმორი აშშ-ის სიდიდით მეორე პორტი გახდა ემიგრანტთათვის. ქალაქი დღესაც ქვეყნის ერთ-ერთი უმთავრესი საზღვაო პორტია, რომელიც ყველაზე ახლოს მდებარეობს ქვეყნის შუადასავლეთის ბაზრებთან ვიდრე ნებისმიერი სხვა აღმოსავლეთ სანაპიროს ქალაქი. ბალტიმორის უბე ერთ-ერთი ყველაზე უკეთ დაცული ღრმაწლყის საზღვაო პორტია მსოფლიოში, რომელსაც ტროპიკული შტორმებისა და ქარიშხლებისგან დელმარვას ნახევარკუნძული იცავს. აპალაჩის მთები უბეს ჩრდილოეთის სიცივისგან იფარავს, რის გამოც პორტში წყალი ზამთრის განმავლობაში არ იყინება.

ქალაქი
ბალტიმორი Baltimore
ბალტიმორი
დროშა
ქვეყანა	აშშ
შტატი	მერილენდიმერილენდი
შიდა დაყოფა
კოორდინატები	39°17′11″ ჩ. გ. 76°36′54″ დ. გ.
ქალაქის მერი	შეილა დიკსონი
დაარსდა	1729
ამჟამინდელი სტატუსი	1796
ფართობი	238.5 კმ²
ცენტრის სიმაღლე	10 მ
მოსახლეობა	637,455 კაცი (2007)
სიმჭიდროვე	3,045.7 კაცი/კმ²
აგლომერაცია	2,668,056
სასაათო სარტყელი	UTC-5, ზაფხულში UTC-4
სატელეფონო კოდი	410, 443
საფოსტო ინდექსი	21201–21298
ოფიციალური საიტი	baltimorecity.gov
აშშ მერილენდი
ბალტიმორი ვიკისაწყობში

ნიუ-იორკის შემდეგ, ბალტიმორი აშშ-ის მეორე ქალაქი იყო, რომელმაც 100.000-იანი ზღვარი გადალახა მოსახლეობის მიხედვით (მას მოჰყვა ნიუ-ორლეანი და ფილადელფია). 1980 წლამდე ბალტიმორი რჩებოდა ქვეყნის 10 უდიდეს ქალაქთა რიცხვში. ამჟამად ქალაქი მისი აგლომერაციის ჩათვლით მოსახლეობით უდიდეს ოცეულშია. ვინაიდან მას გარს ამავე სახელწოდების საგრაფო აკრავს, ქალაქს ასევე ბალტიმორ სიტის უწოდებენ ხოლმე.

რესურსები ინტერნეტში

• ოფიციალური საიტი
• Visit Baltimore – official Destination Marketing Organization
• Baltimore City Maps დაარქივებული 2012-12-11 საიტზე Archive.isCategory:Webarchive template archiveis links, historic maps at the Sheridan Libraries.