From Wikipedia, the free encyclopedia
აპურე (ესპ. Apure) — მდინარე ვენესუელის სამხრეთ-დასავლეთ ნაწილში. მდინარე ორინოკოს მარცხენა შენაკადი. წარმოიქმნება მდინარეების სარარესა და ურიბანტეს შეერთების შედეგად. აპურეს აუზის გარკვეული ნაწილი ვრცელდება კოლუმბიის ტერიტორიაზეც. სათავეს იღებს კორდილიერა-დე-მერიდას მთებში. სიგრძე 1038 კმ, აუზის ფართობი 167,000 კმ².[1] მიედინება დასავლეთიდან აღმოსავლური მიმართულებით, ლიანოს-ორინოკოს დაბლობზე. ქვემო დინებაში ხეობა შედარებით განიერია, რამდენიმე ნაწილად იტოტება და ისე ჩაერთვის ორინოკოს. მარცხენა მხრიდან იღებს რამდენიმე მნიშვნელოვან შენაკადს, რომელთაგან აღსანიშნავია მდინარეები პორტუგესა და გუარიკო. წვიმიან სეზონში მდინარე მეტად წყალუხვია, მაისიდან ოქტომბერ-ნოემბრამდე დამახასიათებელია წყალმოვარდნები. წარმოადგენს რეგიონის მნიშვნელოვან სატრანსპორტო არტერიას. სანაოსნოა შესართავიდან საშუალოდ 600 კილომეტრზე.
აპურე Apure | |
---|---|
![]() მდინარე აპურე | |
ქვეყანა |
![]() |
ქალაქები |
გუასდუალიტო სან-ფერნანდო-დე-აპურე. |
სათავე |
კორდილიერა-დე-მერიდა 7°17′56″ ჩ. გ. 70°41′30″ დ. გ. |
შესართავი |
ორინოკო 7°37′05″ ჩ. გ. 66°24′12″ დ. გ. |
შესართავის მდებარეობა | ვენესუელა |
სიგრძე | 1038 კმ |
აუზის ფართობი | 167,000 კმ² |
![]() | |
![]() ![]() | |
![]() |
წყლის საშუალო ხარჯი 2 183 მ³/წმ. მდინარე აპურეს ნაპირებზე გაშენებულია ქალაქები: გუასდუალიტო და სან-ფერნანდო-დე-აპურე.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.