Van iku kutha ing sisih wétané Turki, ing Provinsi Van. Kutha iki dumunung ing gisiking Tlaga Van sisih wétan. Kutha iki nduwèni sajarah kang dawa minangka wewengkon urban kang gedhé. Kutha iki minangka kutha kang gedhé wiwit jaman milénium SM kang kawitan. Kutha iki awalé minangka kutha krajané karajan Urartu ing abad ka-9 SM, banjur dadi punjering karajan Vaspurakan saka Armènia. Ing jaman saiki, Van nduwé padunung kang akèh-akèhé wong Kurdhi, nanging uga ana wong Turki minangka minoritas.