From Wikipedia, the free encyclopedia
Yakushima (屋久島?) inggih punika sawijining pulo ing sisih kidul Prefektur Kagoshima, Kyushu, Jepang. Papanipun antawis 60 km barat daya Ujung Ōsumi, Kyushu. Pulo punika kalebet salah satunggal saking pulo utama ing KapuloanŌsumi (kalih pulo utama sanèsipun inggih punika Tanegashima lan Kuchinoerabujima). Selat Yakushima misahaken Yakushima lan Tanegashima.
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Yakushima | |
---|---|
Janeng ing Pratélan Warisan Donya | |
Jinis | Alam |
Wewaton | vii, ix |
Rujukan | 662 |
Tlatah UNESCO | Asia-Pasifik |
Sujarah prasasti | |
Prasasti | 1993 (Sési kaping 17) |
Pulo ingkang jembaripun 504,88 km² punika cacahipun penduduk wonten antawis 15.000 tiyang. Ing Yakushima wonten alas ingkang ngrembuyung sanget. Ing pulo punika wonten wit-witan Cryptomeria (nama Jepang: sugi) ingkang umuripun sepuh sanget. Wit Cryptomeria paling ageng lan paling sepuh ing Yakushima ingkang dipunsukani nama Jōmon Sugi dipunprakirakaken gadhah umur 2.170[1] dumugi 7.200 taun.[2][3]
Alas ing Yakushima ingkang minangka bekas "hutan hujan" iklim sedang-anget damel pulo punika dipunlebetaken UNESCO ing salebeting Situs Warisan Donya UNESCO wiwit taun 1993. Kawasan ingkang dipuntetepaken minangka Situs Warisan Donya natawis 21% saking jembaripun sadaya pulo (107,47 km²). Boten wonten satunggal wit-witan ingkang naté dipuntegor ing salebeting kawasan alas inti Yakushima ingkang jembaripun 12,19 km².[4]. Yakushima punika inggih pulo paling telas ing Jepang.[5] Kanthi curah hujan antawis 4,000 dumugi 10,000 mm., Yakushima kalebet salah satunggaling papan ing donya ingkang gadhah curah hujan paling inggil. Pulo punika dipunsebut-sebut tiyang minangka pulo ingkang dhawah jawah "35 dinten wonten ing satunggal wulan". Éwadéné makaten, Yakushima ugi ngalami "mangsa katiga" sadangunipun mangsa palastra lan mangsa dingin. Jawah ageng ingkang kadadosan sadangunipun mangsa semi lan mangsa panas asring dipundhereki déning "tanah longsor". Pegunungan ing Yakushima inggih punika minangka satunggaling papan ing wewengkon paling kidul Jepang ingkang mandhap salju. Dangunipun pinten-pinten wulan, salju saged mandhap ing daerah punika, déné suhu air laut ing sakitar pulo boten naté wonten ing ngandhap 19 °C.
Alas Yakusugi ing Yakushima dipunkunjungi boten kirang déning 300.000 wisatawan saben taunipun. Alas punika jaréné minangka inspirasi tumrap Hayao Miyazaki sanalika damel filem Princess Mononoke.[6][7] Ing salah satunggaling batang wit ing Alas Yakusugi, Mothra Leo nilar kepompong kagunganipun wonten ing filem Rebirth of Mothra produksi taun 1996.
Yakushima minangka pulo paling ageng nomer kalih ing Prefektur Kagoshima sabibaripun Amami Ōshima. Titik paling inggil ing Yakushima inggih punika Miyanoura-dake, sawijining gunung ingkang inggilipun 1.935 m.
Sedaya wewengkon ing pulo Yakushima kalebet ing salebeting wewengkon administrasi kutha Yakushima, Distrik Kumage, Prefektur Kagoshima. Papan Anggegana Yakushima nglayani penerbangan Japan Air Commuter ingkang ngubungaken Yakushima kaliyan Papan Anggegana Kagoshima lan Papan Anggegana Internasional Osaka.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.