Sepésiyes utawa jinis iku takson kang dipigunaaké ing taksonomi kanggo nunjuk siji utawa sapérangan golongan individu (populasi) sing padha lan bisa saling mbuahi siji lan sijiné ing saknjeron klompoké (saling mbagi gen) nanging ora bisa karo anggota golongan sing béda. Anggota-anggota ing siji sepésiyes manawa saling kawin bisa ngasilaké keturunan kang fèrtil tanpa alangan reproduktif. Bisa uga, sapérangan golongan ing siji sepésiyes ora saling berkawin amarga alangan géografis nanging manawa ditemoaké lan dikawinké bisa ngasilaké keturunan fertil. Loro sepésiyes kang béda manawa saling kawin bakal ngadhepi masalah alangan biologis; manawa ngasilaké keturunan kang séhat, keturunané iki racaké setéril/mandul.
Sepésiyes, manawa karan ing jeneng ilmiah, disingkat sp. (Contoné Phalaenopsis sp. — ateges "sakjinis Phalaenopsis", nemawa jamak disingkat spp.).
Ing taksonomi kéwan ana siji tingkat takson ing sakngisoré sepésiyes: subsepésiyes (disingkat ssp. (nanging racaké ora ditulis ing jeneng ilmiah kéwan). Ing taksonomi tetuwuhan, fungi, lan bakteri ana takson liya sakngisoré subspésies: varietas, subvarietas, lan forma.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
