Omah Gadang

Rumah Gadang utawi Griya Gadang utawi Omah Gadang inggih punika satunggalipun nama griya adat Minangkabau ingkang kalebet griya tradhisional.^[1] Griya adat punika kathah mapan ing provinsi Sumatra Kilèn, Indonésia.^[1] Griya punika ugi saged dipunsebat kanthi nama sanèsipun déning masarakat Minang kanthi nama griya Bagonjong utawi wonten ugi ingkang nyebataken kanthi nama griya Baanjung.^[1]

Griya Gadang ingkang mapan ing Nagari Pandai Sikek

Griya kanthi modhél punika ugi kathah ing Negeri Sembilan, Malaysia.^[2] Boten sadaya wewengkon ing Minangkabau (darek) kepareng dipundamel griya adat punika, namung ing wewengkon ingkang sampun gadhah status minangka nagari kemawon griya adat punika kepareng dipunyasa ing mrika. Ugi ing wewengkon ingkang dipunsebat rantau, griya adat punika ugi rumiyin boten wonten ingkang dipunyasa déning peranto Minangkabau.^[2]

Griya Gadang minangka papan panggènan, gadhah paugeran piyambak. Cacahipun kamar dhedhasar cacahipun tiyang èstri ingkang manggèn ing mrika.^[2] Saben tiyang èstri ing kaum kasebat ingkang sampun gadhah garwa pikantuk setun^[2] ggal kamar.^[2] Tiyang èstri ingkang sampun sepuh lan laré-larénipun manggèn ing kamar ingkang caket dhapur. Gadis ingkang taksih rumaja pikantuk kamar sesarengan ing kamar pojok sanèsipun.^[2]

Rumah Gadang limrahipun dipunyasa ing sanginggilipun siti kagunganipun kulawarga induk wonten suku/kaum kasebat miturut cara turun tinurun^[2] kaliyan namung dipungadhahi lan dipunwarisi déning tiyang èstri kemawon.^[3]

Cathetan suku

1. [Navis, A.A., Cerita Rakyat dari Sumatera Barat 3, Grasindo, ISBN 979-759-551-X.]
2. [Graves, Elizabeth E., (2007), Asal-usul elite Minangkabau modhèren: respons terhadap kolonial Walanda abad XIX/XX, Jakarta:Yayasan Obor Indonésia, ISBN 978-979-461-661-1.]
3. Dawson, Barry; Gillow, John (1994), The Traditional Architecture of Indonésia, London: Thames and Hudson, ISBN 0-500-34132-X.]

Pranala njawi