From Wikipedia, the free encyclopedia
Rudolf Diesel (lair ing Paris, Prancis, 18 Maret 1858 – pati 30 Sèptèmber 1913 ing umur 55 taun) iku siji panemu Jerman, misuwur amarga panemuané, mesin diesel. Panjenengané lair ing Paris lan tilar donya kanthi misterius ing kapal fery sajeroning laku menyang Inggris.
Rudolf Diesel | |
---|---|
![]() | |
Lair | 18 Maret, 1858 Paris, Prancis |
Pati | Sèptèmber 29, 1913 55) Selat Inggris | (umur
Bangsa | Jerman |
Pakaryan | Insinyur, panemu, pengusaha |
Pawéh pakaryan | Sulzer, Linde, MAN AG |
Kondhang ing | Nemokaké mesin diesel |
Anak | Rudolf Jr, Heddy, lan Eugen |
Wong tuwa | Theodor Diesel, Elise Diesel |
Bebungah | Elliott Cresson Medal (1901) |
Diesel ngembangaké gagasan siji mesin pamicu komprèsi ing dekade akir abad angka 19 lan nampa hak patèn kanggo piranti mau tanggal 23 Fèbruari 1893. Panjenengané yasa prototipe sing duwé fungsi ing awal taun 1897 nalika nyambut gawé ing pabrik MAN ing Augsburg.
Mesin Diesel iki banjur dijenengi kanggo ngurmati jasané. Asliné, jeneng mesin iki "mesin lenga".
Rudolf Diesel lair kanthi jeneng dawa Rudolf Christian Karl Diesel saka kulawarga pangrajin kulit Jerman. Wiwit cilik, panjenengané ditepungi minangka wong sing jenius. Watara umur 20 taun, nalika taun 1870, Diesel nampa bebungah medhali perunggu saka Société Pour L'Instruction Elémentaire, saka sapérangan karya ngèlmiahé sing moncèr. Nanging, ing taun sing padha, kulawarga Diesel kepeksa kudu ninggal Paris amarga kawicaksanan anyar pamaréntah Prancis wektu iku ngenani para imigran asing. Bapakné Diesel gagal éntuk idin dumunung ing Prancis. kulawarga iki mangkat lan pindhah menyang London, Inggris. Mung sadhéla ing kana, Rudolf banjur mangkat dhéwé menyang Augsburg, Jerman, kanggo nerusaké sekolah lan manggon bebarengan paklik an buliké ing kana sing uga mulang minangka guruné ing Gewerbsschule. Ora suwé sabanjuré Perang Jerman-Prancis njeblug.
Nalika taun 1872, Rudolf wiwit ditepungi lan diakoni minangka calon mékanik andhel. Panjenengané ngrampungaké sekolahé ing Gewerbsschule minangka salah siji lulusan paling apik, banjur nerusaké menyang Univèrsitas Tèknik (Institut Politèknik) Muenchen. Perang Jerman-Prancis rampung lan kanggo sepisanané panjenengané bisa kumpul lan ketemu manèh karo kulawargané ing Paris.
Émané, Rudolf ora bisa mèlu ujian akir kasarjanané nalika taun 1879 amarga nandhang lara demam berdarah. Nanging suwéné kuliah ing Muenchen, panjenengané ngukir akèh prèstasi cemerlang, antarané, nalika taun 1878, bebarengan profesoré, kasil ngrancang siji cithak biru mesin uwab kanthi èfisiènsi paling dhuwur sing tau ana nganti wektu iku. Panjenengané uga wiwit nulis sapérangan makalah lan diterbitaké kanggo umum.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.