Victoria saking Britania Raya

Victoria (Alexandrina Victoria) (24 Mèi 1819 – 22 Januari 1901) punika Ratu saking Krajan Manunggal wiwit tanggal 20 Juni 1837, lan Ratu India wiwit tanggal 1 Januari 1877, dumugi sédanipun taun 1901. Papréntahanipun langkung saking 63 taun, langkung lami tinimbang raja utawi ratu Britania pundi kémawon. Papréntahan Victoria dipuntengeri déning èkspansi ageng-agengan saking Imperium Britania. Zaman Victoria punika puncak saking Révolusi Industri, satunggiling wekdal éwah-éwahan sosial, ékonomi, lan tèknologi ingkang wigatos ing Britania Raya. Ing masa kasebat, Imperium Britania dumugi puncakipun lan dados satunggiling nagari adhi kuwaos ingkang digjaya.

Gusti Kanjeng Ratu Victoria

Masa kakuwaosan	20 Juni 1837-22 Januari 1901
Pangrumiyin	ISR William IV
Pangganti	ISR Edward VII
Garwa	Pangéran Albert saking Saxe-Coburg lan Gotha
Katurunan	Victoria, Putri Karajan ISR Edward VII Putri Alice Alfred, Duke saking Saxe-Coburg lan Gotha lan Edinburgh Putri Helena Putri Louise Arthur, Duke saking Connaught lan Strathearn Leopold, Duke saking Albany Putri Beatrice
Dhinasti Karajan	Hanover
Bapa	Edward Augustus, Duke saking Kent lan Strathearn
Ibu	Victoria saking Saxe-Coburg-Saalfeld
Miyos	24 Mèi 1819
Tilar donya	22 Januari 1901

Victoria, ingkang mèh sapenuhipun rahipun Jerman (kejawi saking leluhuripun Sophia saking Hanover ingkang wujud wayah saking garis pawèstri saking James I), punika ratu pungkasan saking Dinasti Hanover; panggantosipun, Raja Edward VII asalipun saking Dinasti Saxe-Coburg lan Gotha.

Awal kagesangan

Bapanipun Victoria, Duke saking Kent lan Strathearn, punika putra angka sekawan saking Raja George III lan Ratu Charlotte. Ibunipun punika Putri Victoria saking Saxe-Coburg-Saalfeld. Putra pambajeng George III, Pangéran Wales (ing tembé wingking Raja George IV), namung gadhah satunggal yoga, Putri Charlotte Augusta saking Wales. Nalika Putri Charlotte Augusta tilar dony aing taun 1817, putra-putra kakung Raja George III ingkang dèrèng palakrami rebatan palakrami lan pikantuk putra kanggé njamin garis keturunanipun. Ing yuswa 50 taun, Duke saking Kent lan Strathearn palakrami kaliyan Putri Victoria saking Saxe-Coburg-Saalfeld, sedhèrèk putri saking dhudha Putri Charlotte Pangéran Leopold saking Saxe-Coburg-Saalfeld lan randhanipun Karl, Pangéran saking Leiningen.

Victoria, putri tunggal saking pasangan wau, dipunwiyosaken ing Pura Kensington, London tanggal 24 Mèi 1819. Panjenenganipun dipunbaptisaken ing Ruang Cupola saking Pura Kensington tanggal 24 Juni 1819 déning Biskop Agung Canterbury (Charles Manners-Sutton), lan tiyang sepuh baptisipun punika Pangéran Regent, Kaisar Alexander I saking Ruslan (kanggé ngurmati panjenenganipun, piyambakipun dipunparingi asma pisanan selaras kaliyan Kaisar Alexander), Ratu Charlotte saking Württemberg lan Dowager Duchess saking Saxe-Coburg-Saalfeld.

Éwadéné dipunbaptisaken kanthi asma Alexandrina Victoria, wiwit miyos panjenenganipun kanthi resmi dipunsebat Ingkang Mminulya Putri Victoria saking Kent.

Ugi pirsani

Wikicuplik duwé cuplikan ngenani: Victoria saking Britania Raya

Wikimedia Commons duwé médhia ngenani Victoria of the United Kingdom.

• Pratélan raja lan ratu Britania
• Pratélan tiyang kédhé misuwur
• Pratélan papam ingkang dipunparing nama saturut Ratu Victoria
• Penny Black
• Makutha inten alit saking Ratu Victoria
• Arsitektur Victorian
• Masa Victorian
• Mode Victorian
• Moralitas Victorian

Rujukan

• Auchincloss, Louis. Persons of Consequence: Queen Victoria and Her Circle. Random House, 1979.
• Cecil, Algernon. Queen Victoria and Her Prime Ministers. Eyre and Spottiswode, 1953.
• Eilers, Marlene A. Queen Victoria’s Descendants. 2d enlarged & updated ed. Falköping, Sweden: Rosvall Royall Books, 1997.
• Farnborough, T. E. May (1st Baron). Constitutional History of England since the Accession of George the Third. 11th ed. Longmans, Green, 1896.
• Hibbert, Christopher. Queen Victoria: A Personal History. Viking, 2000.
• Potts, D. M. & W. T. W. Potts. Queen Victoria’s Gene: Haemophilia and the Royal Family. Alan Sutton, 1995.
• The Royal Household. (2004). "Victoria." Official Website of the British Monarchy.
• "Queen Victoria." Encyclopædia Britannica. 11th ed. Cambridge University Press, 1911.
• Weintraub, Stanley. Victoria: An Intimate Biography. Dutton, 1987.