Profésor

Profésor (Latin: "Sawijining wong kang dikenal déning publik minangka nimpuna"; basa Inggris: Professor) (utawa prof cekake) ya iku siji guru senior, dhosèn lan/utawa panaliti kang padatan dikanggokake déning lembaga-lembaga/institusi pendhhidikan perguruan tinggi utawa universitas.

Minangka nimpuna, profesor padatan duwé patang jejibahan tambahan:

1. Menehi kuliah lan mimpin seminar ing babagan ngèlmu kang dikwasai ing babagan ngèlmu murni, sastra, utawa babagan-babagan kang ditrapake langsung kaya ta seni rancang (désain), musik, usada, hukum, utawa bisnis;
2. Nindakake panalèn ing babagan ilmuné;
3. Ngabdi marang masarakat, kalebu konsultatif (ing babagan pamréntahan utawa babagan-babagan liyané kang asipat non-profit);
4. Nggladhi para akadhemisi mudha/mahasiswa supaya bisa mbantu dadi asistèn utawa nggentèni panjenengané mbesuke.

Keseimbangan saka 4 fungsi iki gumantung banget ing institusi, panggonan (nagara), lan wektu. Tuladhané, profesor kang ndedikasikake panjenengané ing panaliten lan ngèlmu kawruh ing universitas-universitas ing Amérikah Sarékat (lan universitas-universitas ing nagara Éropah) dipromosikake supaya éntuk bebungah, mligi ing babagan ngèlmu saka subyek panalitene.

"Profesor" bisa digunakaké (mligi déning para pelajar ing Amérika) minangka istilah kang luwih sopan kanggo siji wong kang éntuk

gelar kesarjanaan PhD (S3) saka pawiyatan luhur, tanpa ngawigatekake tataran/rating saka pawiyatan luhur mau.