Lodan

Lodan, timinggila, utawa iwak gajah iku kéwan nusoni (mamalia) kang urip ing sagara. Sanadyan ing sok diarani "iwak lodan", lodan sajatiné ora kagolong ing kulawarga iwak, nanging kaya kéwan mamalia liyané. Lodan duwé ciri-ciri:

• ambegan liwat paru-paru
• nduwé wulu awujud rambut (sithik, mèh ora ana ing lodan diwasa)
• nduwé getih panas
• nduwé klanjer susu.
• nduwé jantung patang bilik

Lodan Kalamangsa: 50–0 Ma PraЄ Є O S D C P T J K Pg N Eocene – saiki
Humpback whale
Klasifikasi ngèlmiah
Karajan:	Animalia
Filum:	Chordata
Klas:	Mamalia
Subklas:	Eutheria
Ordho:	Cetacea

Lodan purba évolusi ing tengahing jaman Eocene, kira-kira 50 yuta taun kapungkur. Salah siji lodan paling ndhisik kang wis cures yaiku Basilosaurus kang ndhasé cilik kanthi moncong nonjol lan nduwé untu. Dawané Basilosaurus watara 25 mèter.

Fosil nedahaké yèn lodan asalé saka kéwan dharatan mawa kuku, mungel saka kéwan kaya Mesonychid (kéwan kaya sregala kang manggon ing pasisir) kang suwé-suwé bali manggon ing laut watara 50 yuta taun kapungkur. Siji manèh kamungelan kéwan liya kang malèh dadi lodan, yaiku Ambulocetus, mamalia saukuran asu laut, dawané 3 mèter boboté 325 kilogram.

Saiki, ana rong jinis lodan, yaiku lodan Odontoceti, lodan nduwé untu, lan lodan Baleen, Mysticeti. Lodan Odontoceti kang nduwé untu wujud pamangsa kang mangan iwak, sotong, lan mamalia laut, duwé bolongan ambegan siji. Lodan balin ukurané luwih gedhé tinimbang lodan Odontoceti lan duwé struktur kang dikenal minangka balin kang awujud sikat. Struktur iki migunani kanggo nyaring plankton ing banyu. Iwak Paus Balin nduwé bolongan ambegan loro.