pabanyon asin kang amba From Wikipedia, the free encyclopedia
Sagara (krama: saganten), uga ingaran tasik utawi laut punika kempalan toya asin saha kahubungaken kaliyan samodra utawi tlaga ageng ingkang padatanipun ngandhut toya asin, kirang gadhah saluran alam kados déné Seganten Kaspia lan Laut Mati. Istilah seganten asring dipun-ginakaken minangka sinonim kaliyan samodra. Tlaga ageng, kados ta Great Lakes, kadhangkala dipunwastani seganten dharat. Kathah seganten ingkang kalebet kategori marginal sea, inggih punika seganten ingkang arusipun dipunsababaken déning angin; déné jinis sanèsipun kados seganten mediterranean, ingkang arusipun kasebabaken déning béda salinitas lan suhunipun toya. Organisasi Hidrografi Internasional (IHO) minangka organisasi internasional ingkang gadhah kakuwasaan bab ndèfinisikaken seganten. Définisi ing wekdal punika kasebat wonten ing satunggaling dokumèn Special publication S-23, Limits of Oceans and Seas Archived 2007-11-02 at the Wayback Machine., 3rd edition, 1953.
Aksara Latin |
ꦗꦮ |
Seganten kawangun 4,4 milyar taun kapungkur, wiwitanipun asipat asem sanget, kanthi toya ingkang umob (watawis 100 °C) amargi panasipun Bumi wekdal samanten. Asemipun toya seganten amargi wekdal punika atmosfer Bumi dipunkebaki déning karbon dioksida. Kaaseman toya punika ingkang njalari inggilipun panggapukan ingkang ngasilaken uyah ingkang andadosaken toya seganten asin kados ing wekdal sapunika. Wekdal samanten, gelombang tsunami asring kadadosan amargi asringipun astéroid nabrak Bumi. Pasang surut seganten ing wekdal punika ugi bertipe mamut utawi inggil sanget amargi jarak Bulan ingkang caket sanget kaliyan Bumi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
