salah siji suku saka Indonesia From Wikipedia, the free encyclopedia
Wong Mengkasar inggih punika satunggaling klompk ètnis ingkang dumunung ing pasisir kidul pulo Sulawesi. Ing Mengkasar nyebutipun "Mangkāsar(ak) ᨆᨀᨔᨑ" ateges "Tiyang-tiyang ingkang sipatipun kabikak".[1]
Étnis Mengkasar punika minangka étnis ingkang jiwanipun penakluk nanging dhémokratis ing maréntah, remen perang lan jaya ing laut. Boten kagét nalika ing abad kaping 14-17, kanthi simbol Karajan Gowa, tiyang Mengkasar sukses mbentuk siji wewengkon krajan ingkang jembar kanthi kekiyatan armada laut ingkang ageng kasil wujud siji Imperium kanti napas Islam, wiwit saking sadaya wewengkon ing pulo Sulawesi, Kalimantan pérangan wétan, NTT, NTB, Maluku, Brunei, Papua lan Australia pérangan lèr. Tiyang-tiyagipun njalin Traktat kaliyan Bali, kerjasama kaliyan MAlaka lan Banten ugi sadaya karajan sanèsipun ingkang wonten ing ing Nuswantara punapa déné Internasional (mliginipun Portugis). Karajan punika ugi ngadhepi perang ingkang ageng kaliyan Walanda ngantos dumugi crahipun amargi adu dombanipun Walanda kaliyan krajan taklukanipun.
Wonten ingkang ngira bilih Mengkasar punika identik lan satunggal rumpun kaliyan suku Bugis lan bilih istilah Bugis lan Mengkasar inggih punika istilah ingkang dipunciptakaken déning Walanda kanggé mecah belah. Dumugi Karajan Mengkasar kalah ing Walanda, sadaya potensi dipunmatikaken, mengeti suku punika misuwur panic nentang Walanda. Ing pundi kepanggih kaliyan Walanda,pesthi dipunerangi. Sapérangan tokoh sentral Gowa ingkang nolak nyerah kados déné Karaeng Galesong, ijrah ing Tanah Jawa. Sesarengan kaliyan armada lautipun ingkang perkasa, merangi saben kapal Walanda ingkang dipunpanggihi. Amargi punika, Walanda ingkang nalika punika ing ngandhap pimpinan Spellman njuluki kanthi nama "Si-Bajak-Laut"
Saking segi linguistik, basa Mengkasar lan basa Bugis bènten, déné kekalih basa punika kalebet ing Rumpun basa Sulawesi Selatan[2] ing cabang Melayu-Polinesia saking rumpun basa Austronesia. Ing kelompok punika, basa Mengkasar[3] kalebet ing sub-kelompok ingkang sami kaliyan basa Bentong, Konjo lan Selayar, déné basa Bugis[4] mlebet ing sub-kelompok ingkang sami kaliyan basa Campalagian lan kekalih basa ingkang dipuntuturaken ing pulo Kalimantan inggih punika basa Embaloh lan basa Taman. Béda antawisipun basa Bugis lan Mengkasar punika inggih salah satunggal ciri ingkang bedakaken kekalih suku punika.
Pamanggih bilih Bugis lan Mengkasar punika satunggal rumpun asalipun saking penaklukan karajan kados Bone lan Wajo déning Gowa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
