From Wikipedia, the free encyclopedia
Sega kebuli yaiku sega mawa bumbu kang rasané gurih kang ana ing Indonésia. Sega iki dimasak karo kaldu daging wedhus, susu wedhus, lan lenga samin, disuguhaké karo daging wedhus gorèng kadhangkala uga ditambahi irisan kurma utawa kismis. Panganan iki misuwur ing kalangan warga Betawi ing Jakarta lan warga keturunan Arab ing Indonésia.[1] Nasi kebuli nuduhake anané prabawa budaya Arab Timur Tengah lan India Muslim, yaiku tradisi Arab Yaman. Sega iki mèmper sega Biryani.
Aksara Latin |
Sajeroning kabudayan Betawi, sega kebuli lumrahé disuguhaké ing prayaan agama Islam, kaya ta Idul Fitri, Idul Adha, utawa maulid. Sega kebuli uga misuwur ing kawasan kutha kang akèh keturunan Arab-e, kaya ta Surabaya lan Gresik.
Sega kebuli digawé kanthi cara masak sega dicampur kaldu wedhus lan susu wedhus (kadhang-kadhang diganti santen). Daging wedhus ditumis lan dicampurake ing jero sega. Banjur ditambahi lenga samin kanggo mènèhi aroma kang khas. Bumbu-bumbu kang dialusake lan ditumis bareng sega yaiku bawang, brambang, mrica ireng, cengkeh, ketumbar, jinten, kapulaga, kayu legi, pala, lan lenga samin. Banjur daging wedhus dimasak bareng karo sega setengah mateng nganti mateng. Daging wedhus iki bisa diiris cilik-cilik lan dicampurake ing sega, utawa digoreng lan disuguhake kanthi kapisah. Nasi kebuli lumrahé disuguhake karo asinan nanas, kadhang-kadhang uga ditambahi sambel goreng hati.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.