Préfèktur Hyogo

Cithakan:Infobox Prefektur Hyogo

Prefektur Hyogo

Peta Prefektur Hyogo

Préfèktur Hyogo (兵庫県, Hyōgo-ken^?) inggih punika salah satunggaling prefektur ing Jepang ingkang wonten ing Pulo Honshu, mliginipun ing wewengkon Kinki ^[1]. Ing sisih lèr winatesan kaliyan Laut Jepang, déné ing sisih kidul punika winatesan kaliyan Laut Pedalaman Seto. Nama prefektur punika sadèrèngipun kaserat ing romaji minangka Hiogo. Nalika taun 1995, sisih kidul Prefektur Hyogo naté dipunrisak déning Lindhu ageng Hanshin mawi kekuwatan 7,2 skala Richter ingkang damel sédanipun kirang langkung 5.500 jiwa. Lindhu mau damel risak ageng ing kutha Kobe, Takarazuka, lan Pulo Awaji. Wonten ing kutha Himeji wonten Astana Himeji ingkang kalebet salah satunggaling Warisan Donya UNESCO ^[2].

Sajarah

Prefektur Hyogo kalebet provinsi ingkang rumiyinipun gadhah nama Harima, Tajima, Awaji, lan sapérangan Tamba. Ing pungkasan jaman Heian (taun 1180), Kaisar Antoku, Taira no Kiyomori, lan astana kamaharajan naté pindhah dhateng Fukuhara, papan ingkang sapunika kawéntar minangka kutha Kobe. Kutha krajan ing Fukuhara namung 5 wulan. Wewengkon karesidenan Ako (sapunika péranganing Prefektur Hyogo) naté dipunpréntah déning Asano Takuminokami ingkang kedah nglampahi seppuku amargi nglarani Kira Kōzukenosuke ing Astana Edo. Prastawa paring piwales para samurai saking wewengkon Ako awit saking sédanipun Asano Takuminokami kawéntar ing seni pertunjukan Jepang (kados Kabuki) minangka Chūshingura. Wonten ing njawinipun Jepang, prastawa punika kawéntar minangka carita 47 Ronin.

Géografi

Ing Laut Pedalaman Seto ingkang misahaken Pulou Honshu lan Shikoku wonten Pulo Awaji. Wewengkon lèr gadhah populasi ingkang langkung arang kejawi kutha Toyooka, déné wonten ing dhataran inggil namung wonten sapérangan désa-désa alit. Kathahipun para penduduk punika mapan wonten ing pérangan kidul ingkang celak kaliyan pasisir ingkang kalebet péranganing wewengkon metropolitan Osaka-Kyoto-Kobe. Nalika mangsa panas, prefektur Hyogo kondhang amargi panas lan lembab. Nalika mangsa adhem wewengkon ing pérangan lèr kathahipun mandhap salju, déné ing wewengkon pérangan kidul namung kadang kala kemawon wonten salju. Hyogo winatesan kaliyan Prefektur Osaka, Prefektur Kyoto, Prefektur Tottori lan Prefektur Okayama^[3].

Kutha-kutha

Aioi Akashi Ako Amagasaki Asago Ashiya Awaji Himeji Itami Kakogawa Kasai Kawanishi Kobe (kutha krajan) Chuo-ku Higashinada-ku Hyogo-ku Kita-ku Nada-ku Nagata-ku Nishi-ku Suma-ku Tarumi-ku

Miki Minamiawaji Nishinomiya Nishiwaki Ono Sanda Sasayama Shiso Sumoto Takarazuka Takasago Tamba Tatsuno Toyooka Yabu

Kutha alit lan Désa

Wonten sapérangan kutha alit lan désa ing saben dhistrik.

Distrik Ako Kamigori Distrik Ibo Ibogawa Mitsu Shingu Taishi Distrik Kako Harima Inami Distrik Kanzaki Fukusaki Ichikawa Kanzaki Kodera Okawachi

Distrik Kato Takino Tojo Yashiro Distrik Kawabe Inagawa Distrik Mikata Hamasaka Kami Onsen Distrik Mino Yokawa

Distrik Sayo Kozuki Mikazuki Nanko Sayo Distrik Shikama Ieshima Yumesaki Distrik Shiso Yasutomi Distrik Taka Kami Kurodasho Naka Yachiyo Distrik Tsuna Goshiki

Cathetan suku

1. Mengenal Prefektur di Jepang Archived 2012-12-10 at the Wayback Machine., (dipunakses tanggal 22 Fèbruari 2013)
2. Istana Himeji, (dipunakses tanggal 22 Fèbruari 2013)
3. Geografi^{[pranala mati permanèn]}, (dipunakses tanggal 22 Fèbruari 2013)

Pranala njawi

• Situs resmi Prefektur Hyogo Archived 2004-02-02 at the Wayback Machine.