From Wikipedia, the free encyclopedia
Obahan budaya bébas iku obahan sosial sing manuhaké kabébasan ngedum lan ngréka karya-karya kréatif kanthi wujud kontèn bébas[1][2] utawa kontèn binuka[3][4][5] lumantar Internèt lan médhia-médhia liyané.
Obahan iki ora sarujuk marang aturan hak cipta sing keladuk anggoné awèh watesan. Akèh wargané obahan iki sing awèh panemu manawa aturan mangkono ngalang-alangi kréativitas.[6] Wong-wong mau ngarani sistem mangkono "budaya palilah."[7]
Creative Commons iku pakumpulan sing diawiti Lawrence Lessig sing ngréka lisènsi sing ngidinaké tumindak pangedum lan pangréka-ulang kanthi sinartan sawenèh aturan, lan uga sing ngadani situs panggolèkan tumraping karya-karya sing lisènsiné Creative Commons.
Obahan budaya bébas, uga étos ijol-ijolan gagasan kanthi bébasé, iku salaras karo obahan piranti alus sumber binuka lan bébas.
Dinané iki, istilahé bisa ateges manéka obahan-obahan liyané, kaya ta aksès binuka (open access, dicekak OA), budaya campur (remix culture), budaya nglekah (hacker culture), obahan aksès marang widya (access to knowledge movement), sinau sumber binuka (open-source learning), obahan hak sebar (copyleft movement) lan obahan kukuban umum (public domain movement).[butuh sitiran]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.