Microsoft Windows
kategori Wikimedia / From Wikipedia, the free encyclopedia
Microsoft Windows utawa kondhang kanthi sebutan Windows iku kulawarga sistem operasi. sing dikembangaké déning Microsoft, migunakaké antarmuka naraguna grafis.
Parusahan / developer | Microsoft Corporation |
---|---|
Kulawarga OS | MS-DOS/9x-based, Windows CE, Windows NT |
Modhèl sumber | Sumber katutup / Shared source |
License | MS-EULA |
Situs wèb | www.microsoft.com/windows |
Sistem operasi Windows wis tuwuh wiwit saka MS-DOS, siji sistem operasi sing mawa basis modus tèks lan command-line. Windows vèrsi pisanan, Windows Graphic Environment 1.0 sepisanan kawanuhaké ing tanggal 10 November 1983, nanging nenbé metu ing pasar sasi November taun 1985, kanggo ngebaki kabutuhan komputer kanthi tampilan mawa gambar. Windows 1.0 minangka perangkat alus 16-bit tambahan (dudu minangka sistem operasi) sing lumaku ing MS-DOS (lan sawatara varian saka MS-DOS), saéngga ora bakal bisa lumaku tanpa anané sistem operasi DOS. Vèrsi 2.x, vèrsi 3.x uga padha. Sawetara vèrsi pungkasan saka Windows (diwiwiti saka vèrsi 4.0 lan Windows NT 3.1) minangka sistem operasi manhdiri sing ora gumantung manèh marang sistem operasi MS-DOS. Microsoft Windows banjur bisa ngembang lan bisa nguasani panggunaan sistem operasi nganti ngancik 90%.