Gitar bas

Gitar bas (asring dipunsebat Bas listrik utawi bas kemawon) inggih punika piranti musik dawai ingkang ngginakaken listrik supados saged ngagengaken swantenipun. Wujudipun meh sami kaliyan gitar listrik nanging gadhah wujud ingkang langkung ageng, kajengipun langkung panjang, lan limrahipun gadhah sekawan senar (gitar listrik gadhah enem senar).^[1] Gitar bas limrahipun langkung abot tinimbang gitar listrik ingkang biyasa, amargi senaripun ingkang langkung kandhel (kanggé njagi nada/swantenipun) saéngga kedah milih kajeng ingkang kandhel lan atos supados saged ngimbangi tekanan ing neck (gulunipun gitar).^[2] Sanèsipun punika ukuranipun fret (kolomipun gitar) ingkang langkung ageng ingkang dipunjumbuhaken kaliyan kandhelipun senar.^[2] Wonten kathah jinis gitar bass ingkang dipunangge ngantos sapunika. Ingkang asring dipunangge wujud contra bass lan cello bass (ingkang asring dipunangge ing pagelaran opera), bass listrik (biyasa dipunangge ing sadaya pagelaran mliginipun pagelaran band), sarta bass fretless ingkang sami kaliyan bass listrik nanging boten wonten fret (kolom/ingkang kanggé mbatesi wonten ing papan teken/neck) wonten ing bass wau.^[2] Prinsip kerjanipun bass fret less meh sami kaliyan contra/cello bass namung wujudipun ingang wujud gitar lisrtik.^[2]

Gitar bas

Siji gitar bas Stingray gawéan Music Man
senar
Jeneng liya	Gitar bas listrik
Klasifikasi	Instrumèn senar (plucked utawa picked; arang strummed)
Klasifikasi Hornbostel–Sachs	321.322 (Komposit chordophone)
Inventor(s)	Paul Tutmarc, Leo Fender
Digawé	1930s
Jangka
(a standard tuned 4-string bass guitar)
Instrumèn kagandhèng
Gitar listrik Double bass Gitar bas akustik
Pemusik
Pratélan juru main bas gitar

Cathetan suku

1. [Stanley Sadie lan John Tyrrell. 2001. According to the New Grove Dictionary of Music and Musicians, an "Electric bass guitar [bass guitar] [is] a Guitar, usually with four heavy strings tuned E1'-A1'-D2-G2." The New Grove Dictionary of Music and Musicians. London]
2. [Stanley Sadie lan John Tyrrell. 2001. The New Grove Dictionary of Music and Musicians defines the term bass thus: "Bass (iv). A contraction of Double bass or Electric bass guita. London]

Pranala njawi

• Weird Bass Guitars