Bancakan bayi
From Wikipedia, the free encyclopedia
Bancakan bayi menika salah satunggiling padatan ingkang teksih dipunleksanakaken wonten ing satengahipun masarakat Jawa, mliginipun wonten ing Surakarta lan Yogyakarta.
Bancakan bayi dipunleksanakaken adedhasar wontening pangajeng-ajeng lan panyuwunan supados bayi ingkang dipunbancaki dados laré ingkang miturut dhateng Gusti Pangéran, tiyang sepuh, lan bapak ibu guru sarta saged dados tiyang ingkang migunani tumrap tiyang sanes ing samangké. Kejawi menika, bancakan bayi ugi dados caos sokur lan nyuwun kamirahaning Pangeran mugi bayi menika tansah pinaringan kaslametan, kasarasan, lancar ing sedaya perkawis dumugi diwasa samangké.
Bancakan menika arupi sekul kaliyan maneka werni sayuran kados ta: bayem, kacang panjang, thokolan, timun, sambel gudangan, tigan, lan pisang ingkang dipuncawisaken nganggé pincuk saking ron pisang.