![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/42/Roman_bronze_copy_of_Myron%25E2%2580%2599s_Discobolos%252C_2nd_century_CE_%2528Glyptothek_Munich%2529.jpg/640px-Roman_bronze_copy_of_Myron%25E2%2580%2599s_Discobolos%252C_2nd_century_CE_%2528Glyptothek_Munich%2529.jpg&w=640&q=50)
Íþrótt
From Wikipedia, the free encyclopedia
Íþrótt er líkamleg æfing eða keppni sem fer fram samkvæmt fyrirfram ákveðnum reglum. Fólk stundar íþróttir af ýmsum ástæðum, til að sigra í keppni, til að ná besta árangri, til að halda sér í góðu líkamlegu og andlegu formi eða einfaldlega ánægjunnar vegna. Íþróttir eru flokkaðar á ýmsan hátt, til dæmis í einstaklingsíþróttir og hópíþróttir, keppnisíþróttir og almenningsíþróttir, áhugamannaíþróttir og atvinnumannaíþróttir. Íþróttir hafa verið stundaðar í einhverri mynd af mönnum frá alda öðli.
![Thumb image](http://upload.wikimedia.org/wikipedia/commons/thumb/4/42/Roman_bronze_copy_of_Myron%E2%80%99s_Discobolos%2C_2nd_century_CE_%28Glyptothek_Munich%29.jpg/640px-Roman_bronze_copy_of_Myron%E2%80%99s_Discobolos%2C_2nd_century_CE_%28Glyptothek_Munich%29.jpg)
Margar íþróttir eru iðkaðar bæði sem skemmtun eða heilsubót og sem keppnisíþrótt. Þegar íþróttir eru stundaðar í kappi verða þær gjarnan meira spennandi og skemmtilegri. Ýmsir hafa þó gagnrýnt þær á þeim grundvelli að þær séu niðurbrjótandi fyrir meirihlutann sem tapar og það sé hægt að njóta íþrótta sem þeirrar heilsubótar sem þær eru þrátt fyrir að engin keppni sé með í spilinu. Það er heldur ekki óalgengt að einhverskonar veðmál tengist áhorfinu, gjarnan kallað að tippa, til dæmis á fótboltaleiki eða veðja á veðhlaupahesta.
![](http://upload.wikimedia.org/wikipedia/commons/thumb/e/e9/Noto_Emoji_KitKat_1f457.svg/30px-Noto_Emoji_KitKat_1f457.svg.png)