![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/70/Bratislava_New_Year_Fireworks.jpg/640px-Bratislava_New_Year_Fireworks.jpg&w=640&q=50)
Áramót
From Wikipedia, the free encyclopedia
Áramót er mikilvæg hátíð í flestum þjóðfélögum til að fagna komu nýs árs og kveðja það gamla. Á Íslandi, eins og á flestum vesturlöndum, er haldið upp á áramótin kvöldið fyrir komu nýja ársins, á gamlárskvöldi en einnig eru haldnar veislur á nýársdag sem oft eru fínni veislur en á gamlárskvöld.
![Thumb image](http://upload.wikimedia.org/wikipedia/commons/thumb/7/70/Bratislava_New_Year_Fireworks.jpg/640px-Bratislava_New_Year_Fireworks.jpg)
Öll trúarbrögð, lönd og menningarsvæði hafa sín tímatöl og oftast eru áramótin mikilvægur þáttur í menningarhefðinni. Stórar hátíðir fylgja oft áramótunum sem geta staðið yfir í marga daga fyrir eða eftir áramótin. Áramótin eru á stundum tengd árstíðum, til dæmis jafndægur á vori 20. mars-21. mars, til að fagna komu vorsins eða þá af hreinum trúarlegum uppruna eins og nýár múslima.