flokkur lindýra From Wikipedia, the free encyclopedia
Sniglar (fræðiheiti: Gastropoda) eru stærsti flokkur lindýra með 60-75.000 tegundir, þar á meðal land- og sæsnigla og ótal önnur sjávar- og vatnadýr. Sniglar eru venjulega með höfuð, sem á eru tveir fálmarar, og kviðlægan fót. Flestar tegundir eru með eina skel sem oftast er uppundin og myndar snúð eða kuðung. Sumar tegundir eru með nokkurs konar lok sem lokar skelinni eftir að dýrið dregur sig inn í hana.
Í hefðbundinni dýrafræði var sniglum áður skipt í þrjá undirflokka: fortálkna (Prosobranchia), bertálkna (Opistobranchia) og lungnasnigla (Pulmonata) en þessi flokkun er nú að breytast og flestir farnir að flokka bertálkna (Opistobranchia) sér.
Sniglar eru með skráptungu, sem er tennt hornkennd tunga sem þeir nota til að skrapa fæðu og rífa hana, til dæmis lauf eða plöntur.
„Hvað getið þið sagt mér um snigla?“. Vísindavefurinn.