Magnesín

Magnesín^[1][2][3] stundum kallað magnín,^[1] magníum,^[2] eða magnesíum^{[4][2][3][5][6]} (úr latínu: magnesium eftir gríska héraðinu Magnesíu; orðin magnesít og mangan eru af sömu rót) er frumefni með efnatáknið Mg og er númer tólf í lotukerfinu. Magnesín er áttunda algengasta frumefnið og myndar 2% af jarðskorpunni. Það er líka þriðja algengasta uppleysta efnið í sjónum. Þessi jarðalkalímálmur er aðallega notaður sem blendingsefni í ál-magnesín málmblöndur.

	Beryllín
Natrín	Magnesín	Ál
	Kalsín
Efnatákn Mg Sætistala 12 Efnaflokkur Jarðalkalímálmur Eðlismassi 1738,0 kg/m³ Harka 2,5 Atómmassi 24,305 g/mól Bræðslumark 923,0 K Suðumark 1363,0 K Efnisástand (við staðalaðstæður) Fast form (meðseglandi) Lotukerfið

Magnesín er ellefti algengasti málmurinn í mannslíkamanum. Magnesínjónir eru nauðsynlegar frumum þar sem þær leika stórt hlutverk við myndun pólýfosfata á borð við adenósín þrífosfat (ATP), deoxýríbósakjarnsýru (DNA) og ríbósakjarnsýru (RNA). Hundruð ensíma þurfa því á magnesínjónum að halda. Magnesín er líka í miðju blaðgrænusameinda og er því oft bætt í áburð.

Magnesín finnst ekki hreint í náttúrunni vegna þess hve auðveldlega það hvarfast við loft og vatn. Það brennur með björtum hvítum loga og er þess vegna notað í leifturljós.

Tilvísanir

1. Orðið „magnesín“ á Orðabanka íslenskrar málstöðvar úr orðasafninu „Eðlisfræði“:íslenska: „magnesín“, „magnín“
2. Orðið „magnesín“ á Orðabanka íslenskrar málstöðvar úr orðasafninu „Efnafræði“:íslenska: „magnesín“, „magníum“, „magnesíum“
3. Orðið „magnesíum“ á Orðabanka íslenskrar málstöðvar

   íslenska: „magnesíum“, „magnesín“

4. „magnesíum“. Afrit af upprunalegu geymt þann 13. ágúst 2014. Sótt 9. janúar 2011.
5. Orðið „magnesíum“ á Orðabanka íslenskrar málstöðvar úr orðasafninu „Sjómennsku- og vélfræðiorð“:íslenska: „magnesíum“
6. Orðið „magnesíum“ á Orðabanka íslenskrar málstöðvar úr orðasafninu „Bílorð“:íslenska: „magnesíum“

  Þessi efnafræðigrein er stubbur. Þú getur hjálpað til með því að bæta við greinina.