Ljótólfur goði
From Wikipedia, the free encyclopedia
Ljótólfur goði Alreksson var fyrsti landnámsmaður í Svarfaðardal og bjó að Hofi. Heimildir um hann eru fyrst og fremst í Svarfdælu en Landnáma getur hans þó sem goða í Svarfaðardal. Alrekur faðir Ljótólfs var bróðir Hróðgeirs hvíta Hrappssonar sem nam land að Skeggjastöðum á Langanesströnd. Þeir bræður komu saman til Íslands en ekki er greint frá því hvaðan þeir komu. Ætla má að Ljótólfur hafi komið samskipa föður sínum til landsins. Ekki er vitað hver var kona Ljótólfs en börn hans voru Þorgeir inn óði og Æsa. Hún giftist Þórði knappi og bjó á Knappsstöðum í Stíflu. Samkvæmt Svarfdælu var Valla-Ljótur, einn helsti höfðingi Svarfdæla um siðaskiptin, sonur Ljótólfs. Yngveldur fagurkinn var ástkona Ljótólfs. Ljótólfur og Þorsteinn svörfuður á Grund voru andstæðingar og valdabarátta þeirra er uppistaðan í Svarfdælu.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.