Katla (sjónvarpsþættir)

Katla er íslensk drama sjónvarpsþáttaröð búin til og leikstýrð af Baltasar Kormáki og Sigurjóni Kjartanssyni. Handritshöfundar eru Baltasar Kormákur, Sigurjóni Kjartanssson, Davíð Már Stefánsson og Lilja Sigurðardóttir. Þáttaröðin var frumsýnd 17. júní 2021 á Netflix . ^[1]

Katla
Tegund	Ráðgáta Drama Vísindaskáldskapur
Upprunaland	Ísland
Frummál	Íslenska
Fjöldi þáttaraða	1
Fjöldi þátta	8
Framleiðsla
Framleiðsla	RVK Studios
Útsending
Upprunaleg sjónvarpsstöð	Netflix

Söguþráður

Einu ári eftir eldgos í Kötlu hefur lífið í friðsæla smábænum Vík breyst til muna. Eldstöðin er enn þá virk og jökulísinn ofan við gosopið að einhverjum hluta bráðnaður.

Bærinn hefur verið rýmdur og eins svæðið í kring en einungis er hægt að komast þangað með því að fara yfir Markarfljót.

Þeir örfáu bæjarbúar sem eftir eru ná að halda nauðsynlegri þjónustu í samfélaginu gangandi og þrátt fyrir frábæra staðsetninguna er Vík orðin að nokkurs konar draugabæ.

Ástandið verður svo enn ógnvænlegra þegar dularfull fyrirbæri byrja að koma undan jöklinum og hafa í för með sér afleiðingar sem enginn gat séð fyrir.^[2]

Leikarar

• Guðrún Eyfjörð
• Ingvar Sigurðsson
• Björn Thors
• Íris Tanja Flygenring
• Þorsteinn Bachmann
• Aliette Opheim
• Sólveig Arnarsdóttir
• Haraldur Ari Stefánsson sem Einar ^[1]
• Birgitta Birgisdóttir í hlutverki Rakelar
• Helga Braga Jónsdóttir í hlutverki Vigdísar
• Björn Ingi Hilmarsson í hlutverki Leifs
• Aldís Amah Hamilton sem Eyja
• Hlynur Atli Harðarson sem Mikael

Þættir

Nr.	Titill	Leikstjórn	Handrit	Útgáfudagur
1	Undan Jöklinum	Baltasar Kormákur	Sigurjón Kjartansson	17. júní 2021
Einu ári eftir eldgos í Kötlu hefur lífið í friðsæla smábænum Vík breyst til muna. Ástandið verður svo enn ógnvænlegra þegar dularfull fyrirbæri byrja að koma undan jöklinum og hafa í för með sér afleiðingar sem enginn gat séð fyrir.
2	Ása	Baltasar Kormákur	Lilja Sigurðardóttir	17. júní 2021
Óvæntur gestur sem kemur fram úr skugganum fær fulla athygli Grímu. Á meðan jörðin undir þeim færist svara Darri og Gunhild kalli Kötlu.
3	Móðirin	Baltasar Kormákur	Davíð Már Stefánsson	17. júní 2021
Kaldi og grimmi veruleikinn í Vík í Mýrdal kemur að heimsækja Grímu. Darri rannsakar undarlegu uppgötvunina sína í leyni. Gunnhild mætir nýliðanum.
4	Þetta er ekki hann	Þóra Hilmarsdóttir	Sigurjón Kjartansson	17. júní 2021
Er þetta draumur eða martröð? Óuppgerð snýr Gríma aftur í búðirnar í leit að svörum á meðan Darri heldur til Víkur fyrir endurfundi. Þór verður heillaður.
5	Norðanátt	Börkur Sigþórsson	Davíð Már Stefánsson	17. júní 2021
Átakanleg opinberum sem myndi venjulega bjóða upp á endalok opnar í stað þess gjá spurninga. Sagan endurtekur sig þegar banvænn öskustormur myndast.
6	Gríma	Börkur Sigþórsson	Davíð Már Stefánsson	17. júní 2021
Augliti til auglits við algera ráðgátu reynir Gríma að skilja skuggalegu uppgötvun sína. Rakel breytir um hugarfar á meðan Gísli tekst á við óvænta komu.
7	Steinninn	Börkur Sigþórsson	Davíð Már Stefánsson	17. júní 2021
Stundum hafa skuggar sinn eigin huga. Á slysastaðnum opnar Rakel sig fyrir Grímu. Darri leitar í sprungunni að svörum.
8	Ég er þú	Baltasár Kormákur	Sigurjón Kjartansson	17. júní 2021
Hvað er alvöru, hvað er það ekki - og skiptir það máli? Sannleikurinn kemur í ljós, óttinn vex og ráðgátan virðist ætla að sópa burt allt sem kemur nálægt henni.

Framleiðsla

Þróun

Í október 2019 var greint frá því að RVK Studios væri að þróa seríu byggða á yfirnáttúrulegu eldfjalladrama fyrir Netflix, ^[3] í leikstjórn Baltasars Kormáks og Sigurjóns Kjartanssonar . ^[4]