From Wikipedia, the free encyclopedia
Flores er eyja í Asóreyjaklasanum og tilheyrir Portúgal. Hún er vestust þeirra og er þar með vestasti landshluti Evrópu. Á Flores búa um 4000 manns, flestir í bænum Santa Cruz, sem er á norðausturhluta eyjarinnar. Á miðri vesturströndinni er bærinn Faja Grande, sem er vestasti bær Evrópu. Þar búa um 200 manns. Um 4 kílómetra norð-norðvestur af Faja Grande rís gígtappinn Ilhéu do Monchique úr hafinu. Hann er vestasti klettur Evrópu. Hnattstaða hans er 39°29'43N, 31°16'30V.