Aristippos frá Kýrenu

Aristippos (435 – 366 f.Kr.) var grískur heimspekingur, fæddur í Kýrenu í Afríku (nú í Líbýu). Hann mun hafa verið velkunnur fylgjandi Sókratesar og Platon getur hans í samræðunni Fædoni, þar sem síðustu stundum Sókratesar er lýst, en ein persóna samræðunnar lýsir yfir undrun vegna þess að Aristippos hafi ekki verið við hlið Sókratesar er dauðadómi hans var framfylgt. Aristippos mun þá hafa verið á eynni Ægínu ásamt öðrum kunningja Sókratesar, Kleombrotosi. Að öðru leyti er Aristipposar hvergi getið í samræðum Platons. Honum bregður hins vegar fyrir í ritum Xenophons. Samkvæmt Æskínesi hafði Aristippos upphaflega komið til Aþenu „sökum frægðar Sókratesar“.

Vestræn heimspeki Fornaldarheimspeki
Nafn:	Aristippos
Fæddur:	435 f.Kr.
Látinn:	366 f.Kr.
Helstu viðfangsefni:	Siðfræði
Markverðar hugmyndir:	Nautnahyggja

Díogenes Laertíos segir allnokkrar sögur um Aristippos og veru hans við hirð Díonýsíosar og Díonýsíosar yngra.

Annaðhvort Aristippos sjálfur eða dóttursonur hans, sem hét í höfuðið á afa sínum, stofnaði skóla Kýreninga, sem hélt fram nautnahyggju og sjálfshyggju. Dóttir Aristipposar eldra, Arete frá Kýrenu, var sögð hafa verið heimspekingur sjálf og hafa menntað Aristippos yngra, sem í kjölfarið var nefndur Mētrodidaktos eða „hinn móðurmenntaði“.

Hvorki ritverk Aristipposar eldra né Aristipposar yngra eru varðveitt.

Heimildir

• Fyrirmynd greinarinnar var „Aristippus“ á ensku útgáfu Wikipedia. Sótt 30. mars 2006.
• Branham, R. Bracht, The Cynics: The Cynic Movement in Antiquity and Its Legacy (Los Angeles: University of California Press, 2000). ISBN 0-520-21645-8

Tenglar

• The Internet Encyclopedia of Philosophy: „Aristippus“
• The Internet Encyclopedia of Philosophy: „Cyrenaics“

  Þessi fornfræðigrein sem tengist heimspeki er stubbur. Þú getur hjálpað til með því að bæta við greinina.