Andríj Sjevtsjenko

Andríj Mykolajovytsj Sjevtsjenko (úkraínska: Андрій Миколайович Шевченко, fæddur 29. september 1976 í borginni Dvírkívsjtsjyna í Úkraínu) er fyrrum knattspyrnumaður og núverandi landliðsþjálfari Úkraínu. Hann spilaði sem framherji og skoraði meira en 100 mörk í Seríu A og var árið 2004 valinn Knattspyrnumaður Evrópu.

Andrij Sjevtsjenko
Upplýsingar
Fullt nafn	Андрій Миколайович Шевченко
Fæðingardagur	29. september 1976 (1976-09-29) (48 ára)
Fæðingarstaður	Dvírkívsjtsjyna, úkraínska sovétlýðveldinu, Sovétríkjunum (nú Úkraínu)
Hæð	1,83 m
Leikstaða	Sóknarmaður
Núverandi lið
Núverandi lið	Dynamo Kyiv
Númer	76
Yngriflokkaferill
1986–1994	Dynamo Kyiv
Meistaraflokksferill1
Ár	Lið	Leikir (mörk)
1993-1996	Dynamo-2 Kyiv	51 (16)
1994–1999	FC Dynamo Kyiv	117 (60)
1999–2006	Milan	208 (127)
2006–2008	Chelsea	47 (9)
2008–2009	Milan	18 (0)
2009–2012	FC Dynamo Kyiv	55 (23)
Landsliðsferill2
1994–1995 1994–1995 1995–2012	Úkraína U-18 Úkraína U-21 Úkraína	8 (5) 7 (6) 111 (48)
Þjálfaraferill
2016 2016-2021 2021-2022	Úkraína (aðstoðarmaður) Úkraína Genoa C.F.C.
1 Leikir með meistaraflokkum og mörk talið í aðaldeild liðsins og síðast uppfært 15. janúar 2022. 2 Landsliðsleikir og mörk uppfærð 15. janúar 2022.

Saga

Sjevtsjenko hóf feril sinn með Dynamo Kyiv sem er frá samefndri borg í Úkraínu. Þangað kom hann 9 ára gamall þegar unglingaþjálfari liðsins sá hann spila á vinsælu knattspyrnumóti. Dynamo Kyiv var eitt af skemmtilegri liðum Evrópu á sínum tíma og vann m.a. titilinn í heimalandi sínu fimm ár í röð, frá 1995 til 1999. Óhætt er að fullyrða að það ár hafi Kænugarðsliðið verið með eitt besta lið Evrópu, þeir unnu m.a. Barcelona 4-0 heima og úti í átta liða úrslitum en töpuðu fyrir Bayern Munchen í undanúrslitum. Sjevtsjenko varð markahæsti leikmaður Meistaradeildarinnar þá með 10 mörk skoruð. Eftir það ævintýri var hann svo keyptur til Milan liðsins. Silvio Berlusconi, forseti félagsins, ákvað að leggja út fyrir honum og greiddi fyrir hann háa fjárhæð, alls 25 milljónir dollara. Þar dvaldi Sjevtsjenko til 2006 þegar hann var keyptur til Chelsea F.C. á Englandi. Sumarið 2008 fór hann svo til Milan á Ítalíu en sneri aftur til síns gamla uppeldisfélags eftir eins árs dvöl.

Sjevtsjenko átti stóran þátt í því að Úkraína komst í fyrsta skipti í úrslit heimsmeistarakeppninar í fótbolta sem haldin var í Þýskalandi sumarið 2006. Samtals hefur hann leikið 70 landsleiki fyrir land sitt og skorað í þeim 36 mörk. Hann senri sér að þjálfun að ferli loknum.

14. júlí 2004 giftist hann bandarísku fyrirsætunni Kristen Pazik. Athöfnin fór fram í Washington án vitundar fréttamanna og ljósmyndara.

Heimildir

• Fyrirmynd greinarinnar var „Andrij Sjevtsjenko“ á norsku útgáfu Wikipedia. Sótt 11. febrúar 2008.
• Grein af Fótbolti.net frá 2004.