From Wikipedia, the free encyclopedia
Aasiaat (eldri stafsetning: Ausiait), á dönsku: Egedesminde er fjórði stærsti bærinn á Grænlandi og hluti af sveitarfélaginu Avannaata. Aasiaat er á eyju við suðurströnd Diskó-flóa.
Grænlenska nafnið Aasiaat þýðir "Köngulóaborgin". Meðalhiti mældist 2003 -11,8 °C í febrúar og 9,3 °C í júlí.
Aasiaat er annað af tveimur byggðarlögum á Grænlandi sem ekki eru að neinu leyti á meginlandinu. Hitt byggðarlagið er Qeqertarsuaq. Við manntal 2017, voru íbúar 3100. Aasiaat er stundum nefnt Borg hvalanna Geymt 22 mars 2013 í Wayback Machine, enda má oft sjá hvali í kring um eyjarnar.
Fornleifafræðingar álykta að elstu leifar mannlegs lífs á Diskóflóasvæðinu séu frá því um 4000 árum f. Kr. Forfeður núverandi íbúa virðast hafa sest að í Aasiaat og á svæðinu þar í kring á 13. öld. Þetta voru veiðimenn sem ekki höfðu fasta búsetu heldur fluttu allar eigur sínar eftir því hvar best veiði gafst.
Niels Egede, sonur Hans Egede, sem fyrstur hóf trúboð á Grænlandi, lagði grunninn að þorpinu sem nú heitir Aasiaat árið 1759. Danir nefndu það Egedesminde í höfuðið á honum og notuðu aðstöðuna um tíma til að hindra vöruskiptaverslun inuíta við evrópska hvalveiðimenn, sem flestir komu frá Hollandi.
Rækju- og krabbaveiði er aðalatvinnugrein í Aasiaat auk skipasmíða og ferðamannamóttöku.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.