Watkins-fjöll

Watkins-fjöll er hæsti fjallgarður Grænlands. Fjöllin eru á austurströnd Austur-Grænlands, ofan við Blosseville-strönd, í Landi Kristjáns níunda í sveitarfélaginu Sermersooq. Þar eru mörg fjöll og er Gunnbjörnsfjall hæsta þeirra. Fjallgarðurinn heitir eftir breska landkönnuðinum Gino Watkins sem kannaði fjöllin í Breska loftleiðaleiðangrinum til Norðurslóða 1930 til 1931. Einn af leiðangursmönnum Watkins, Lawrence Wager, kleif Gunnbjörnsfjall fyrstur manna fimm árum síðar.

Watkins-fjöll séð úr flugvél.

Tindar Watkins-fjalla eru jökulsker umkringdir jöklum eins og Kristjánsfjórðajökli, Rósenborgarjökli og Krúnuborgarjökli.

Í Watkins-fjöllum eru nokkrir tindar sem eru hærri en 3000 metrar. Þeir helstu eru:

• Gunnbjörnsfjall (3694 m)
• Gunnbjörnshvel (3682 m)
• Gunnbjörnskeila (3669 m)
• Tindur norðan við Gunnbjörnsfjall (3606 m)
• Blekkingarfjall (3526 m)
• Tindur norðaustan við Gunnbjörnsfjall (3344 m)

  Þessi landafræðigrein er stubbur. Þú getur hjálpað til með því að bæta við greinina.