![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d3/SVK_Tatry.svg/langis-640px-SVK_Tatry.svg.png&w=640&q=50)
Tatrafjöll
From Wikipedia, the free encyclopedia
Tatrafjöll (Tatry á pólsku og slóvösku) er fjallahryggur á mörkum Slóvakíu og Póllands. Þau eru hluti Karpatafjalla og hæsti hluti hans. Tæp 80% þeirra eru í Slóvakíu og rúm 20% í Póllandi. Gerlachovský štít er hæsti tindur þeirra, 2.655 metrar. Hæsta fjall Póllands, Rysy, er í fjöllunum. Tatra-fjöll skiptast í austur- og vesturhluta. Vesturhlutinn skiptist ennfremur í Há-Tatrafjöll og Belíönsku-Tatrafjöll. Við þetta má að bæta að sunnan Tatra-fjalla eru enn önnur fjöll sem kallast Neðri-Tatrafjöll.
![Thumb image](http://upload.wikimedia.org/wikipedia/commons/thumb/d/d3/SVK_Tatry.svg/640px-SVK_Tatry.svg.png)
![Thumb image](http://upload.wikimedia.org/wikipedia/commons/thumb/d/db/Tatra_mountains_western_side_2.jpg/640px-Tatra_mountains_western_side_2.jpg)
Tatra-þjóðgarðurinn í Slóvakíu var stofnaður árið 1949 og Tatra-þjóðgarðurinn í Póllandi var stofnaður árið 1954.
Meðal trjáa í fjöllunum eru fjallafura, lindifura og rauðgreni. Spendýr eins og gaupa, brúnbjörn, gemsur, múrmeldýr, úlfur og ýmis hjartardýr lifa þar.
![Thumb image](http://upload.wikimedia.org/wikipedia/commons/thumb/d/da/PanoramaTatr.jpg/640px-PanoramaTatr.jpg)